Célébration du nouvel an Amaziɣ
ⴰⵙⴼⵓⴳⵍⵓ ⵙ ⵓⵙⴳⴳⵯⴰⵙ ⴰⵎⴰⵢⵏⵓ ⴰⵎⴰⵣⵉⵖ
ⵎⵇⵇⴰⵕ ⴳⵣⴻⵏ ⵉⵜⵙⵏ ⵉⵏⴰⵥⵓⵕⵏ ⴰⵛⴰⵍ ⴰⵀⴰ ⵣⵔⵉⵏ ⴰⴼⵓⵖⵍ ⴷ ⵓⴱⴻⵢⵜⵍ ⴰⵔ ⵙⴼⵓⴳⵍⵓⵏ ⵉⵎⴰⵣⵉⵖⵏ ⵙ ⵜⵍⴰⵍⵉⵜ ⵜⴰⵎⴰⵢⵏⵓⵜ ⵏ ⵓⵣⵎⵣ ⵏⵙⴻⵏ. ⵍⵍⴰⵏ ⵡⵉ-ⵏⵏⴰ ⵏⴻⵖ ⵜⵉ-ⵏⵏⴰ ⵙⵙⴻⵏ/ⵏⵜ ⵎⴰⵢⴷ ⵜⵙⵙⴰⵎⴰⴽ ⵜⵎⴻⵍⴷⴰ ⴷⴷⴻⵖ ⵜⴰⴽⴻⵙⵡⴰⵜ ⵍⵍⴰⵏ ⵡⵉ-ⴷⴷⴰ ⴷ ⵜⵉ-ⴷⴷⴰ ⴰⵔ ⵉⵙ ⵙⴼⵓⴳⵍⵓⵏ/ⵏⵜ ⴰⵙⵍ ⵏ ⵓⴼⵔⴰⴽ ⴰⵛⴽⵓ ⴰⵎⴰⵢⵉⵔ ⴷ ⵓⵏⴰⵙⵉⵢ ⴷⴷⴻⵔⵏ ⴳⴻⵔ ⴰⵙⵏ /ⴰⵙⵏⵜ. ⵓⵔ ⴽⴽⵓⵍⵏ /ⵏⵜ ⴰⴷ ⵙⵖⵉⵏ/ⵏⵜ ⴰⴼⵓⵍⵍⵓⵙ ⵓⵜⵎⴰⵣⵉⵔⵜ ⵎⴰⵔ ⴰⴷ ⵙⵙⴻⵎⵔⵉⵏ/ⵏⵜ ⵉ ⵉⵎⵏⵙⵉ ⵏ ⵉⵖⴼ ⵏ ⵓⵙⴳⴳⵯⴰⵙ . ⵉⴽⴽⴰ ⵓⵎⵖⴰⵕ ⵉⵏⵓ ⵉⵏⵏⴰ ⵢⵉ ⵉⵙ ⴽⴽⴰⵏ ⵉⵎⴻⵣⵡⵓⵔⴰ ⴰⵔ ⵜⵜⴻⵙⵔⵓⵙⵏ ⵢⴰⵏ ⵓⵔⴰⵡ ⵏ ⵙⴻⴽⵙⵓ ⵖⵉⴼ ⵓⵣⵓⵔ ⵏ ⵜⴳⴻⵎⵎⵉ ⵜⴰⴼ ⴰⴷ ⵉⵏⴻⵙ ⵉⴹ ⵎⴰⵢⴷ ⵉⵍⴰ ⴷⴷⴰⵡ ⵉⵥⴻⵏⵥⴰⵕⵏ ⵏ ⵉⵜⵔⴰⵏ . ⴳ ⵜⵉⴼⴼⵓⵜ ⵣⵉⴽ ⴰⵔ ⵜⵜⴰⴼⴰⵏ ⵉⵔⵉⵔⵉ ⴰⴽⴽⵯ ⵎⴰ . ⵓⵔ ⵜ ⵉ ⵙⴻⵇⵙⴰⵖ ⵎⴰⵢⴷ ⴰⵔ ⵜⵜⴰⴼⴰⵏ ⵉⴷⴷⴻⵖ ⵙⵓⵍⵖ ⵎⵥⵥⵉⵖ ⵓⵔ ⵜⴰ ⵙⵙⵉⵏⵖ ⴰⵢ-ⵏⵏⴰ ⵢⵉ ⵉⵙⵓⵜⵍⵏ. ⴷⴰ ⵜⵜⵉⵏⵉⵖ ⵄⵏⵉⵖ ⴷⴰ ⵜⵜⴰⴼⴰⵏ ⵜⵉⵎⵉⵜⴰⵔ ⴰⵙⵏ ⵉⵙⵙⴻⵏⵄⴰⴷⵏ ⴰⵏⴻⵣⵡⵉ ⵏ ⵓⵙⴳⴳⵯⵙ ⵉⵙⵙⵉⴳⴳⴰⵏ. ⵉⵙⵙⵉⴳⴳ ⵓⵙⴳⴳⵯⴰⵙ ⵏ ⵙⵉⵏ ⵉⴳⵉⵎⴰⵏ ⴷ ⵟⵥⴰⵟ ⵏ ⵜⵉⵎⴰⴹ ⴷ ⵙⴹⵉⵎⵔⴰ ⴷ ⴽⵓⵥⵜ (2964) ⴳ ⵡⵓⴽⵓⴷ ⵏⵏⴰ ⴳⵉⵙ ⵜⴻⵙⵢⵉⵔⵜ ⵜⵎⴰⵣⵉⵔⵜ ⵏⵏⴻⵖ ⵛⵉⴳⴰⵏ ⵏ ⵓⵏⵥⴰⵕ ⴰⵍⵍⴻⵢ ⵉⵜⵜⵓⵖⵜⵙ ⴰⴷ ⵥⵥⴰⵍⵉⵏ ⵉⵎⴻⵖⵕⴰⴱⵉⵢⵏ ⵉⵏⴻⵙⵍⴰⵎⵏ ⴷ ⵡⵓⴷⴰⵢⵏ ⵜⴰⵥⴰⵍⵍⵉⵜ ⵏ ⵓⵙⵓⵜⵔ ⵏ ⵜⵎⴻⵇⵇⴰ ⵏ ⵓⵔⵢⴰⴱⴱⵓⵀ ⴰⵔ ⵜⵜⴻⴼⴼⴻⵖⵏ/ⵏⵜ ⵉⵛⵉⵔⵔⴰⵏ ⴷ ⵜⵛⵉⵔⵔⴰⵜⵉⵏ ⴰⵔ ⵜⴻⵜⵜⴻⵔⵏ/ⵏⵜ ⵜⵓⴽⴽⵉ ⵏ ⵜⴳⴻⵎⵎⴰ ⵜⴰⴼ ⴰⴷ ⵍⴻⵎⴷⵏ/ⵏⵜ ⴰⵎⵢⴰⵡⴰⵣ ⵉⴷⴷⴻⵖ ⴷⴰ ⵙⵙⴻⵎⵔⴰⵏ/ⵏⵜ ⵉ ⵜⵉⵔⴰⵎ ⵏⵙⴻⵏ/ⵏⵜ ⵣⴻⴳ ⵓ-ⵏⵏⴰ ⴰⵙⵏ/ⵏⵜ ⵉⵜⵜⵓⴼⴽⴰ ⴰⵔ ⵜⵜⴰⵙⵉⵏⵜ ⵜⴻⵔⴱⴰⵜⵉⵏ ⵜⴰⵍⵖⵏⵊⴰ ⵏⴻⵖ ⴰⵖⴻⵏⵊⴰ ⵏⵏⴰ ⵎⵉ ⵙⵙⴻⵍⵙⴰⵏⵜ ⵜⵉⵎⴻⵍⵙⵉⵜ ⵏ ⵜⴻⵙⵍⵉⵜ ⴰⵎⵎ ⵜⴰⵃⵃⵓⵢⵜ ⴰⵀⴰ ⵜⵜⴻⵔⵏⵜ ⴰⴷ ⵉⵙⵙⴻⴱⵍⵓⵍⵙ ⵓⵏⵥⴰⵕ ⴰⵛⴰⵍ ⵜⴰⴼ ⴰⴷ ⵎⵎⴻⵖⵉⵏ ⵉⴼⵙⴰⵏ,ⵏⴱⴱⴻⵔⵏ, ⴼⵙⵓⵏ. ⵉⵎⵏⵙⵉ ⵏ ⵉⵖⴼ ⵏ ⵓⵙⴳⴳⵯⴰⵙ ⵓⵔ ⵉⴳⵉ ⵢⴰⵏ ⵡⴰⵏⴰⴳ ⵀⴰ ⵙⴻⴽⵙⵓ ,ⵀⴰ ⵜⴰⴳⵯⵍⵍⴰ,ⵀⴰ ⵜⵉⵔⴰⵎ ⵢⴰⴹⵏⵉⵏ . ⵓ-ⵏⵏⴰ ⵓⵔ ⵉⵜⵛⵉⵏ ⴱⴻⵣⵣⴰⴼ ⵓⵔ ⵙⴰⵔ ⵉⴷⵊⵉⵡⵏ . ⵓ-ⵏⵏⴰ ⵢⵓⴼⴰⵏ ⴰⵎⵎⴰⵙ ⵏ ⵜⵉⵔⵎⵜ ⴰⵖⵓⵕⵎⵉ ⵏ ⵜⵉⵢⵏⵉ ⵉⴳⴰ ⴰⵎⴰⵏⴰⵥ ⵏⴻⵖ ⴰⵣⵓⵀⵔⵉ.. ⴰⵖⵓⵕⵎⵉ ⵏ ⵜⵉⵢⵏⵉ ⵉⴳⴰ ⵜⴰⴷⵓⴳⴰⵎⵜ ⴰⵛⴽⵓ ⴰⴳⵊⵊⵓⴼ ⵏⴻⵖ ⵜⴰⵣⴷⴰⵢⵜ ⵉⴳⴰ/ⵜⴰⴳⴰ ⵜⴰⴷⵓⴳⵎⴰⵜ ⵏ ⵓⵖⵍⴰⵍ ⵏⴻⵖ ⵏ ⵓⴷⵔⴰⵛ. ⴰⴳⵊⵊⵓⴼ ⴰⵔ ⵉⵜⵜⴻⴷⴷⴻⵔ ⵛⵉⴳⴰⵏ ⵏ ⵡⵓⴽⵓⴷ ⴰⵔ ⵢⴰⴽⴽⴰ ⴰⴳⵓⵎⵎⵓ ⵉⵎⵎⵉⵎⵏ ⵢⴰⴽⴽⴰⵏ ⴰⵣⵓⵔⵏ ⵉ ⵓⴼⴳⴰⵏ ⵜ ⵉⵜⵛⴰⵏ. ⴰⵖⵓⵕⵎⵉ ⵏⴻⵖ ⵉⵖⵚⵚ ⵏⴻⵖ ⴰⵅⵛⴰⵛ ⵉⴳⴰ ⴷⵉⵖ ⵜⴰⴷⵓⴳⴰⵎⵜ ⵏ ⵜⵓⵎⴰⵙⵜ ⴷ ⵜⵏⴻⵜⵜⵉⵜ. ⴰⵙⴼⵓⴳⵍⵓ ⵙ ⵓⵙⴳⴳⵯⴰⵙ ⴰⵎⴰⵣⵉⵖ ⴰⵔ ⵉⵙⵙⴻⵛⵜⴰⵢ ⵉⵙⵓⵍⴰⵎ ⵏ ⵜⵉⵖⵖⵓⵕⵎⴰ ⵜⴰⵎⴰⵣⵉⵖⵜ ⴷ ⵓⴷⴰⵢⵉⵏ ⵏⵏⴰ ⵉⵎⴰⵏ ⴷ ⵉⴷⵙ.. ⴰⵙⴼⵓⴳⵍⵓ ⵙ ⵓⵙⴳⴳⵯⴰⵙ ⴰⵎⴰⵢⵏⵓ ⵉⵍⴰ ⵉⵥⴻⵖⵕⴰⵏ ⵏⵏⴻⵙ ⴳ ⵓⴳⴷⵓⴷ ⵉⵣⴷⴻⵖⵏ ⵙ ⵓⵎⴰⵜⴰ ⴳ ⵓⴳⴰⴼⴰ ⵏ ⵓⴼⴰⵔⴰⴽ ⵉⴳⴰ ⵜⴰⴽⴰⵙⵉⵜ ⵜⴰⴷⴻⵍⵙⴰⵏⵜ ⵉⵙⵓⵍⵏ ⵉⵍⴰⵏ ⴰⵣⵔⴼ ⵏ ⵜⵓⴷⴻⵔⵜ ⵙ ⵓⵏⵢⵓⴷⴷⵓ ⵏⵏⴻⵙ. ⴰⴷ ⵉⵎⵓⵏ ⵓⵙⴳⴳⵯⴰⵙ ⴰⵎⴰⵢⵏⵓ ⵙ ⵓⵙⵉⵔⵎ ⵏⵏⴰ ⵔⴰⵏ ⵉⵎⴻⵣⴷⴰⵖ ⴰⴽⴽⵯ ⵏ ⵉⵖⴻⵣⵡⵔ,ⵙ ⵓⵏⵥⴰⵕ ⵏⵏⴰ ⵜⴻⵙⵢⵉⵔⵜ ⴽⵓ ⵜⵎⴰⵣⵉⵔⵜ.ⴰⴷ ⵉⵎⵓⵏ ⴷ ⵓⵃⴻⴹⵔⵏ ⴷ ⵓⵏⵏⵉⵔⵙ ⴷ ⵜⴰⵟⴼⵉ ⵏ ⵜⴰⵎⵎⴻⵏⵜ ⴷ ⵡⵓⴷⵉ, ⴰⴷ ⴳⵉⵙ ⵎⵓⵏ ⵉⵡⴷⴰⵏ ⵜⴰⵎⵓⵏⵜ ⵏ ⵓⵖⵖⵓ ⴷ ⵡⴰⵎⴰⵏ.
ⴰⵖⴰⵣⴰⴼ ⵎⵓⵃⵎⵎⴰⴷ.