Aggaj uγlil
Ur ta ilkinn uneγmis n wis yudf igllin n unaẓuṛ Aḥmad Badduj ajajuy ffir n yat tulγizt tadusant alley ilullk udul nnes. Yugj g yan uzmz agermim, g ur ifri udimal n umaḍal .Ssirdn imṭṭawn ul nnes zeg umnus Izrey aγiluf (la tristesse) γ icba n imalgn, n igurad, n imddukkᵚal d ismunn n tẓuṛi d isffarahn (les spectateurs) s umata. Ilsa tallara aha iney tazujra ffir n cigan n twuriwin n usuny d userlel (proposé pour la mise en scène de «isers» et «alil» s wukus n «s» itteyalsn i usefsis n tawalt) g tmezgunt d uγraw uẓeṛmussu (proposé pour le cinéma) zeg «iẓṛa» d «umussu».
Idda g yan uzmz nna gis ittugᵚdl ubeḥlus s umentil n ufrurt n ubayyur n Kufid-19, aha ur illi xas amduny s usttum. Macan iddeγ iga udm adugman hatin da itteγima idder g tungint n iwdann nna t issenn. Udm nnes iga wi-n umxeṛfef d umԑafar d tassasin n uzlaḍ g igma d unezwum n tẓuṛi n usuny nna s immuqqn. Udm nnes ila tifiras izzedrazn tasuta ikkan asala nnes. Iffeγ akal , yaḍu s wakal. Iffeγ tasddagamt nna gis ifka, iskulleԑ g ignna n tẓuṛi , iggez acal. Ikka tin iman d yan usmun g tihirit n umggaru-ad taf ad immegnt g yat tfagla n usnnumku nnes. Kud aḍun ttuẓwan s utwar n tgerwawt aha ifra i usmun nnes ma s issilγ tihirit nnes meqqaṛ idrus uy-nna as ittufkan g ulssi. Ay-a iga tamatart n usfeṣkey d ufelsy (le dévouement) n igllin. Ar urttuγ ad issednγ umeγnanu tawja nnes tameẓẓyant d tameqṛant aha ifek as afurgt (la consolation), ad t yadn s tamlla nnes, isseγlel t g umaglal nnes anmmazzu. Nga wi-n umeγnanu ar sars nettuγul. Walu may d inna awd yan dat urttum nnes xas ad issidn (accepter le destin).
Arhazaf Mohammed / Aγazaf Muḥmmad
22/08/2020 12/08/2970