ⴰⵔ ⵉⵜⵜⴻⴼⴻⵔⴼⵉⴹ ⵡⵓⵍ ⵏⵏⴻⵙ ⴰⴷⴷⴰⵢ ⵢⴰⵏⵏⴰⵢ ⵉⵙⴽⴽⵉⵍⵏ ⵏ ⵜⵉⴼⵉⵏⴰⵖ ⴰⵔ ⵙⵙⴻⴼⵍⵉⵍⵍⵉⵢⵏ ⵏⵏⵉⴳ ⵏ ⵛⴰ ⵏ ⵓⵙⴽ.ⴰⵔ ⵉⵜⵜⴰⵢⵍⴰⵍ ⵉⵍⵙ ⵏⵏⴻⵙ ⴰⵍⵍⴻⵢ ⴷⴰ ⵉⵜⵜⵉⵔⵉ ⴰⴷ ⵉⵏⴹⴻⵡ ⴰⴷⴰⵔⵉⵙ ⵏ ⵜⵓⵖⵎⴰⵙ ⵏⵏⴻⵙ.ⴰⵊⴻⵔⴷⴰⴷ ⴰⵔ ⵉⵜⵜⴻⵏⵜⴰⴳ ⴰⵙⴰⴳ ⵢⵉⵙⵉⵍ ⵉ ⵓⵛⵏⴰ ⴰⵎⴰⵣⵉⵖ ⴰⵔ ⵉⵙⴻⵎⴷⵓⴷⴻⵢ ⵜⴰⵙⴻⵏⴷⵓⴱⴻⵏⵜ ⵏⵏⴻⵙ.ⴰⵊⴻⵔⴷⴰⴷ ⴰⵔ ⵉⵙⵓⵇⵓⵙ ⵅⵎⵉⵏⵏⵉ ⴱⴱⵉⵏ ⵉⵡⴰⵍⵉⵡⵏ ⵜⴰⵍⵍⵓⵏⵜ ⵏ ⵉⵎⵊⵊⴰⵏ ⵏⵏⴻⵙ.ⴰⵊⴻⵔⴷⴰⴷ ⵓⵔ ⴰⵔ ⵉⵜⵜⴰⵛⴻⵢ ⴷ ⵓⵇⴻⵔⵔⵓ ⵏⵏⴻⵙ ⴰⵔⴷ ⵉⵏⴹⴻⵡ ⵉⴷⴰⵙⵉⵙⵏ ⴰⴷⴷⴰⵢ ⵢⵓⴼⴰ ⵜⵓⵎⴰⵙⵜ ⵏⵏⴻⵙ ⴳ ⵎⴰⵢⴷ ⵉⴳⴰⵏ ⴰⴷⴻⵏⵙⵓⵔ.ⴰⵊⴻⵔⴷⴰⴷ ⵓⵔ ⴰⵔ ⵉⵜⵜⴻⵏⴱⴰⴹ ⴳ ⵓⵙⴰⴽⵉⵔ ⵏⵏⴻⵙ ⴰⵙⴰⴳ ⵉⵖⵔⴰ ⵉⵣⴻⵔⴼⴰⵏ ⵏⵏⴻⵙ ⴳ ⵓⵣⴻⵄⵔⵓⵔ ⵏ ⵜⵎⴰⵣⵉⵔⵜ ⵏⵏⴻⵙ.ⴰⵔ ⵉⵜⵜⵉⵔⵉⵔ ⵙ ⵓⵎⴷⵓⴷⵣ ⴰⵙⴰⴳ ⵢⵓⴼⴰ ⵜⵉⵎⵉⵜⴰⵔ ⵏ ⵉⵍⵉ ⵏⵏⴻⵙ ⴷ ⵜⵓⴷⴻⵔⵜ ⵏⵏⴻⵙ ⴷⴷⴻⵍⵏⵜ ⴰⵛⴰⵍ ⵏ ⵜⵎⴰⵣⵉⵔⵜ ⵏⵏⴻⵙ,ⴰⴷⴷⴰⵢ ⵉⵄⵍⴰ ⵉⵙ ⵜⴻⵎⵙⴰⵙⴰ ⵜⵎⴰⵣⵉⵖⵜ ⴷ ⵜⵎⴰⵣⵉⵔⵜ,ⵉⵙ ⵓⵔ ⵉⵍⵍⵉ ⴰⵡⴷⵢⴰⵏ ⵉⴱⴻⴹ ⴰⵎⵓⴳⴰⵔ ⴳⴻⵔ ⴰⵜⵙⴻⵏ.ⴰⵊⴻⵔⴷⴰⴷ ⴰⴷ ⵉⵄⵔⵓⵔⵏ ⴰⵙⴰⴳ ⵢⵓⴼⴰ ⴰⴽⵯ ⵉⵏⵉⵍⵏ ⵏ ⵓⵖⵔⵓⵔⵎ ⵏⵏⴻⵙ ⴳ ⵡⴰⵛⴰⵍ ⴷ ⵉⴳⴻⵏⵏⴰ ⵏ ⵜⵎⴰⵣⵉⵔⵜ ⵏⵏⴻⵙ.ⴰⵔ ⵉⵙⵙⴻⴼⵔⵉⵇⵇⵉⵙ ⵓⴷⵎ ⵏⵏⴻⵙ ⵙ ⵉⵥⴻⵏⵥⴰⵔⵏ ⴰⵙⴰⴳ ⵢⴰⵏⵏⴰⵢ ⵉⴳⴰⴱⵉⴱⵏ ⵏ ⵓⴷⴰⵍⵉⵙ ⴷ ⵓⵖⵔⵓⵔⵎ ⵏⵏⴻⵙ ⴳ ⵎⴰⵢⴷ ⵉⴳⴰⵏ ⵜⵉⵢⵏⵏⵉⵜ ⵏⵏⴻⵙ.ⴰⵔ ⵉⴳⴳⴰⵔ ⵉⴼⵟⵟⵉⵡⴰⵛ ⵏ ⵓⵙⵉⴷⴷ ⵢⴰⵖⵏ ⴳ ⵓⵛⴱⵓ ⵏⵏⴻⵙ.ⴰⵊⴻⵔⴷⴰⴷ ⴰⵔ ⵉⵙⵏⵉⵙⵙⵉⵜ ⵉⵍⵎ ⵏⵏⴻⵙ ⵙ ⵓⵥⵎⵓ ⵉⵊⵊⴰⵏ ⴰⴷⴷⴰⵢ ⵉⵎⵢⴰⴼⴰ ⴷ ⵡⴰⵜⵜⴰ ⵏⵏⴻⵙ.ⴰⵊⴻⵔⴷⴰⴷ ⴰⵔ ⵉⵏⴻⴳⴳⴻⵢ ⵉⵎⵉ ⵏⵏⴻⵙ ⵙ ⵜⵉⵡⴰⵏ ⴰⵙⴰⴳ ⵢⵓⴼⴰ ⵜⴰⵙⴻⵏⴷⵓⴱⴻⵏⵜ ⵏⵏⴻⵙ ⴳ ⵓⵏⵔⴰⵔ ⵍⵍⵉ ⵉⴽⴽⵓⵙⴰ ⵣⴻⴳ ⵓⴱⴰⵃⵍⵍⵓ ⴷ ⵜⵎⴰⵃⵍⵍⵓⵜ ⵏⵏⴻⵙ ⵉⵣⴰⵢⴽⵓⵜⵏ .ⴰⵊⴻⵔⴷⴰⴷ ⵓⵔ ⴰⵔ ⵉⵜⵜⵉⵙⵉⵏ ⵉⵡⴻⵜⵜⴰ ⴳⴻⵔ ⵜⵎⴰⵣⵉⵖⵜ ⴷ ⵜⵎⴰⵣⵉⵔⵜ ⵏⵏⴻⵙ.ⵎⴻⵛ ⴰⵙ ⵜⴳⴰ ⵜⵎⴰⵣⵉⵔⵜ ⴰⵎⴻⵙⵙⵓⵢ ⵜⴳⴰ ⴰⵙ ⵜⵎⴰⵣⵉⵖⵜ ⵓⵔⴰⴽⵯ.ⵉⵖ ⴰⵙ ⵉⵔⵥⴰ ⵉⵖⴻⵚ ⵀⴰⵜ ⵉⴽⵓⵛⵎ ⴰⵙ ⵓⵔⴰⴽⵯ.ⵉⵙ ⴰⵙ ⵉⵖⴹⴻⵍ ⵛⴰ ⵜⴰⵎⴰⵣⵉⵔⵜ ⵏⵏⴻⵙ ⵀⴰⵜ ⵉⴽⴽⴻⵙ ⴰⵙ ⵓⵔⴰⴽⵯ ⵏⵏⴻⵙ.ⴰⵊⴻⵔⴷⴰⴷ ⴰⵔ ⵉⵜⵜⴻⵀⵓⴷⴷⵓ ⵖⵉⴼ ⵜⵎⴰⵣⵉⵔⵜ ⴷ ⵜⵎⴰⵣⵉⵖⵜ ⵏⵏⴻⵙ.ⵉⴳ ⵉⵙⵔⴰⵔ ⵜⴰⵎⴰⵣⵉⵖⵜ ⵀⴰⵜ ⵉⵙⵔⴰⵔ ⵜⴰⵎⴰⵣⵉⵔⵜ.ⵟⴰⵎⴰⵣⵉⵖⵜ ⵜⴰⴽⵙⵓⵍ ⵖⵓⵔⵙ ⵜⴰⵎⴰⵣⵉⵔⵜ.ⵓⵔ ⵉⵍⵍⵉ ⴰⵡⴷⵢⴰⵏ ⵉⴱⴻⴹ ⴳⴻⵔ ⵜⵉⵛⵛⴻⴽⵔⴰⵔ ⵏ ⵢⴰⵏ ⵓⵣⵔⴻⴳ.ⵉⵏⵃ ⵓⵔ ⵍⵍⵉⵏ ⵙ ⵙⵉⵏ ⵓⵔ ⵉⵏⵏⵉ ⴰⴷ ⵉⵣⵣⴰⴹ ⵜⵉⵔⴰⵎ ⵏⵏⴻⵙ ⵡⴰⵍⴰ ⵉⵣⴹⴰ ⴰⵡⴰⵍ ⵏⵏⴻⵙ.ⴰⵔ ⵉⵜⵜⴻⵎⵓⵏ ⵓⵛⵏⴰ ⵏⵏⴻⵙ ⴷ ⵜⵡⵓⵔⵉ ⵏⵏⴻⵙ.ⴰⵊⴻⵔⴷⴰⴷ ⴰⴷ ⵉⵃⵓⵔⵊⴻⵊ ⴰⴷⴷⴰⵢ ⵢⵓⴼⴰ ⵉⵏⵓⵎⴰⴽ ⵏ ⵜⵓⴷⴻⵔⵜ ⵏⵏⴻⵙ,ⵜⴰⵏⵜⵜⵉⵜ,ⵜⵉⴳⴳⵓⵔⴳ,ⴰⴼⵓⵍⴻⵢ,ⴰⵏⵓⵎⴽⴰ.ⴰⵊⴻⵔⴷⴰⴷ ⴰⴷ ⵉⵙⵙⴻⵡ ⵉⴳⵔⴰⵏ ⵙ ⵓⵥⵓⵖ ⵏⵏⴻⵙ ⴰⴷⴷⴰⵢ ⵉⵄⴻⴽⵯⴽⵯⴻⵏ ⵜⴻⵏ ⵓⵙⴷⴰⵔⵔⴰⵢ ⵙ ⵓⴱⵓⵔⴽⴻⵙ ⵏ ⵓⵣⵣⴰⵍ.ⴰⵊⴻⵔⴷⴰⴷ ⵉⴽⴽⴰⵔ ⴰⵙ ⵡⵓⵍ ⵙ ⵓⵖⵔⵔⴻⵏ ⴷ ⵡⴰⵙⵙⴰⵎ.ⴰⵔ ⵉⵜⵜⴰⴳⴻⵢ ⴰⴷ ⵢⴰⵏⵣ ⴷⴰⵜ ⵓⵎⴻⵖⴹⴰⵍ.ⴰⵊⴻⵔⴷⴰⴷ ⵉⴳⴰ ⴰⵎⴻⵙⵟⵟⴻⴷ ⵏ ⵜⵏⴻⵜⵜⵉⵜ ⵏⵏⴻⵙ.ⵉⵣⵎⴻⵔ ⴰⴷ ⵉⵡⵡⴻⵜ ⵙ ⵓ-ⵏⵏⴰ ⵢⵓⴼⴰ ⴷⴰⵜ ⴰⵙ ⵜⴰⴼ ⴰⴷ ⵜ ⵉⵃⴱⵉⴱⴻⴹ.ⴰⵊⴻⵔⴷⴰⴷ ⴰⴷ ⵉⵛⴽⵓⴱⴱⴻⵔ ⵙ ⵜⵉⴱⵔⴻⵟ ⵉⴷⴷⴻⵖ ⵓⵔ ⵉⵎⵢⴰⵔ ⵜⵓⴷⴻⵔⵜ ⵏ ⵓⵣⴰⴷⴰⵔ.ⵉⵍⴰ ⵜⴰⵖⵏⵏⴰⴱⵓⵜ ⵏⵏⴻⵙ ⵏⵏⵉⴳ ⵜⵢⴻⵏⵣⴰⵔ ⵏⵏⴻⵙ.ⴰⵊⴻⵔⴷⴰⴷ ⵉⵔⵖⴰ ⴰⵙ ⵓⵥⵓⵖ ⵓⵔ ⴰⵔ ⵉⵜⵜⵉⵃⵎⵉⵍ ⴰⵇⴰⵔⵉⴼ ⵏ ⵜⴻⵎⵜⴰⵏⵜ.ⴰⵊⴻⵔⴷⴰⴷ ⴰⵔ ⵉⵜⵜⵉⵔⵉ ⵜⵓⴷⴻⵔⵜ ⵏ ⵉⵊⵊⴻⵢⴰⵍ ⵉⴷⴷⴻⵖ ⵜⵓⴷⴻⵔⵜ ⵏ ⵉⵣⴷⴰⵔ ⵓⵔ ⵜⴰⴽⵙⵓⵍ ⵖⵓⵔⵙ ⵅⴰⵙ ⵜⴰⵎⵜⴰⵏⵜ.ⴰⵊⴻⵔⴷⴰⴷ ⴰⵔ ⴰⵙ ⵉⵜⵜⴻⴼⴻⵔⴼⵉⴹ ⵓⵔⴰⴽⵯ ⴰⴷⴷⴰⵢ ⵉⵙⵓⵔ ⵜⵉⵎⵉⵜⴰⵔ ⵏ ⵜⵓⴷⴻⵔⵜ ⵏ ⵓⴱⵓⵔⵣ.ⴰⵔ ⴰⵙ ⵜⵜⴻⵔⵛⴰⵇ ⴰⴷ ⵢⵓⵔⵓ ⵉⵙⴽⴽⵉⵍⵏ ⵏ ⵜⴼⵉⵏⴰⵖ ⵏⵏⵉⴳ ⵜⵉⵔⵔⵉⵙⵜ ⵏ ⵜⵎⴰⵣⵉⵔⵜ ⵏⵏⴻⵙ.ⵟⴰⵎⴰⵣⵉⵔⵜ ⴷ ⵜⵎⴰⵣⵉⵖⵜ ⴳⴰⵏⵜ ⵖⵓⵔⵙ ⴰⴼⵔⵉⵡⵏ ⴰⵙ ⵉⵜⵜⴰⵢⵍⴰⵍ ⴳ ⵉⴳⴻⵏⵏⴰ ⵏ ⵓⴷⵔⵓⵔⴼ.ⴰⵊⴻⵔⴷⴰⴷ ⴰⵔ ⵉⵙⵙⴻⵇⵍⵓⵍⵍⵓⵢ ⵓⵏⵊⵓⴳⵏ ⵍⵍⵉ ⴽⴽⴰⵏ ⵥⵥⴰⵏ ⵉⵛⴻⵏⴳⴰ ⵏⵏⴻⵙ ⴳ ⵓⴱⵔⵉⴷ ⵏⵏⴻⵙ ⵉⵜⵜⴰⵡⵉⵏ ⵖⴻⵔ ⵜⵎⴰⴳⴳⵉⵜ ⵏⵏⴻⵙ.
ⴰⵖⵣⵣⴰⴼ ⵎⵓⵃⵎⵎⴰⴷ
Arhazaf Mohammed
ⴰⵙⴻⴼⵔⵓ ⵏ ⵉⵡⴰⵍⵉⵡⵏ :
ⴰⵔ ⵉⵜⵜⴻⴼⴻⵔⴼⵉⴹ : Palpiter
ⴰⵊⴻⵔⴷⴰⴷ : L’enthousiaste
ⴰⵔ ⵉⵙⵙⴻⴼⵍⵉⵍⵍⴻⵢ : Briller
ⵓⵙⴽ : L’édifice
ⴰⴷⴰⵔⵉⵙ : Le rang
ⴰⵔ ⵉⵜⵜⴻⵏⵜⴰⴳ : Sautiller par joie
ⴰⵛⵏⴰ : La chanson
ⴰⵔ ⵉⵙⵓⵇⵓⵙ : Applaudir
ⵉⴷⴰⵙⵉⵙⵏ : Les limites
ⵜⵓⵎⴰⵙⵜ : L’essence
ⴰⵣⴻⵄⵔⵓⵔ : La colonne vertèbrale
ⵉⵄⵍⴰ : Apercevoir
ⵉⴱⴻⴹ : La différence
ⴰⵎⵓⴳⴰⵔ : L’intrus
ⴰⴱⴰⵃⵍⵍⵓ : Le grand-père
ⵜⴰⵎⴰⵃⵍⵍⵓⵜ : La grand-mère
ⴰⵎⴻⵙⵙⵓⵢ : Le corps
ⵓⵔⴰⴽⵯ : L’âme
ⵉⵖⴹⴻⵍ : Occuper un endroit et le défendre avec férocité(Mr Ahmed Haddachi dans son dictionnaire de tamazight page 83
ⴰⵖⴻⵔⵔⴻⵏ : Le fait d’avoir le désir à se défendre
ⴰⵙⵙⴰⵎ : La jalousie
ⵜⵉⵛⵛⴻⴽⵔⴰⵔ : Les roues -la rotule -les deux pièces rondes de meule
ⵜⴰⵖⵏⵏⴰⴱⵓⵜ : Au sens figuré la dignité -le mot vient de « aghenbu »qui signifie
ⵉⵄⵔⵓⵔⵏ : Etre très heureux
ⵉⵏⵉⵍⵏ : Les couleurs(Mr ahmed Haddachi.)
ⴰⵔ ⵉⵙⵙⴻⴼⵔⵉⵇⵇⵉⵙ : Refléter
ⵉⴳⴰⴱⵉⴱⵏ : Les symboles
ⵉⴼⵟⵟⵉⵡⴰⵛ : Les étincelles
ⴰⵛⴱⵓ : La cage thoracique(Mr Ahmed Haddachi)
ⴰⵥⵎⵓ : Le jus
ⴰⴷⵔⵓⵔⴼ : Le fait d’être très libre
ⵜⴰⵏⵜⵜⵉⵜ : L’identité
ⵜⴰⴽⵙⵓⵍ : Etre égal à
ⴰⵙⴷⴰⵔⵔⴰⵢ : Le colonisateur
ⴰⴷ ⵢⴰⵏⵣ : Prosterner
ⵜⵉⴳⴳⵓⵔⴳ : La liberté
ⴰⴼⵓⵍⴻⵢ : L’indépendance
ⴰⵏⵓⵎⴽⴰ : La dignité
ⵉⴷⴰⵙⵉⵙⵏ : Les limites
ⵉⴽⵓⵛⵎ : Se paralyser
ⴰⴱⵓⵔⴽⵙ : La chaussure
ⵓⵣⵣⴰⵍ : Le fer
ⴰⴷ ⵉⵙⵙⴻⵇⵍⵓⵍⵍⴻⵢ : Renverser
ⵓⵏⵊⵓⴳⵏ : Les obstacles
ⵉⵔⵛⴻⵇ : Etre gai
ⴰⵇⴰⵔⵉⴼ : Le froid