ⴰⵀⴻⵚⴽⴰⵍ ⵉⴳⴰ ⵜ ⵡⴰ-ⵍⵍⵉ ⵓⵔ ⵉⵜⵜⴰⵡⵉⵏ ⴱⵄⵉⵜ ⴳ ⵓⵎⵢⴰ.ⵓⵔ ⵉⵙⵙⵉⵏ ⵅⴰⵙ ⴰⴷ ⵢⴰⵡⴻⵖ,ⴰⴷ ⵉⴳⴻⵏ ⴰⵎ ⵓⵎⵓⴷⴰⵔ.ⵓⵔ ⴰⵔ ⵉⵜⵜⴻⵎⵎⴻⵛⵜⴰⵢ ⵡⴰⵍⴰ ⵉⵙⵎⵓⵙⵙⵓ ⵉⵍⵙ ⵏⵏⴻⵙ.ⴰⴷ ⵜ ⵉⵙⴻⴼⵜⴻⵍ ⵛⴰ ⵙ ⵓⵎⵓⴷⴰⵔ ⵏⴻⵖ ⵙ ⵜⵉⵅⵉⵎⵎⵓⵜ ⵏ ⵎⴻⴷⴷⴻⵏ ⵓⵔ ⵉⵏⵏⵉ ⴰⴷ ⵉⵣⵏⴻⵔ ⴷ ⴰⵛⵛⴻⵏ ⴰⴷ ⵉⵙⴳⴻⵏⴹⴻⵔ.ⵉⴳⴰ ⴰⵎ ⵓⵎⵜⵛⵉⵍⵍⴻⵙ.ⵉⴼⴻⵙⵜⵉ ⴰⵢⴷ ⵉⴳⴰⵏ ⴰⵙⴰⵔⵉⵙ ⵏⵏⴻⵙ.ⵉⴳⴰ ⴰⵎⴷⴷⴻⵔⵛⵓⵛⵓ.ⵉⴳⴰ ⴰⵎⵎ ⵉⵙ ⵉⴽⴻⵍⴼⴻⵣ.ⵎⴻⵇⵇⴰⵔ ⵢⵓⵛⵍ ⵛⴰ ⵜⴰⴷⴰⵡⵜ ⵏⴻⵖ ⴰⵇⴻⵔⵔⵓ ⵏⵏⴻⵙ ⵙ ⵓⴱⵓⵔⴽⴻⵙ ⵏⵏⴻⵙ ⵓⵔ ⴷⴰ ⵉⵙⵡⵉⵀⵀⵉⵜ.ⴰⵀⴻⵔⴷⵓⵣ ⵏⴻⵖ ⴰⵀⴻⵚⴽⴰⵍ ⵙⵉⵏ ⵉⴳⴰⵍⵉⵎⵏ ⵉ ⵢⴰⵏ ⵓⴷⵎ,ⵓⴷⵎ ⵏ ⵜⵉⵔⵉⵣⵣⴰ.ⵎⴻⵇⵇⴰⵔ ⵢⴰⵔⵓ ⴰⵙ ⵛⴰ ⵏⵏⵉⴳ ⵓⴳⴻⵏⵣⵉ ⵏⵏⴻⵙ ⴰⵔⴰⴳⵉⵎ ⵉⵙⵙⴻⵏⵖⴰⵏ ⵓⵍ ⵓⵔ ⴷⴰ ⵉⵜⵜⴰⵏⴼ ⵉⵎⵉ.ⵉⴼⴻⵙⵜⵉ ⴰⵢⴷ ⴰⵙ ⵉⴳⴰⵏ ⴰⵡⴰⵍ.ⵓⵔ ⵉⵙⵙⵉⵏ ⵏⴻⵜⵜⴰ ⵅⴰⵙ ⴰⴷ ⵉⵙⴻⵎⴷⴻⵔ ⵉ ⵡⴰⵏⴻⵎⵔⵉ ⵏ ⵓⴷⵉⵙ ⵏⵏⴻⵙ.ⵓⵔ ⵜ ⵉⴽⵯⵎⵉ ⵓⵛⴰⵎⴰⵏ ⴳ ⵜⵓⵎⴰⵙⵜ ⵏⵏⴻⵙ,ⴳ ⵜⵏⴻⵜⵜⵉⵜ ⵏⵏⴻⵙ,ⴳ ⵉⵍⵙ ⵏⵏⴻⵙ,ⴳ ⵓⴱⵔⵉⵎⴰⵍ ⵏⵏⴻⵙ.ⵎⴻⵇⵇⴰⵔ ⵜ ⵉⵛⵛⵓⵛⴻⵢ ⵛⴰ ⵙ ⵓⵍⴻⵎⵜⴻⴽ ⵓⵎⵙⵉⴷ ⵓⵔ ⴷⴰ ⵉⵜⵜⴰⵛⴻⵢ ⵡⴰⵍⴰ ⵢⵓⵛⴻⵣ ⵎⴰⵢⴷ ⵉⵔⴰ ⵓⵎⵙⵓⵔⵙ ⵏⵏⴻⵙ.ⵓⵔ ⴰⵔ ⵉⵜⵜⴻⵍⵜⴰⵖ ⴳ ⵓⵎⴰⵜⴰⵖ,ⵓⵔ ⴰⵔ ⵉⵜⵜⴻⴷⵔⵓ ⴳ ⵓⵙⵜⴰⵢ ⵏ ⵉⵎⴻⵣⵣⴰ ⵏⴻⵖ ⵏ ⵉⵎⴻⵖⵡⴰⵏ.ⵓⵔ ⴰⵔ ⵉⵜⵜⴻⵎⵓⴽⴽⵓⵍ ⴳ ⵓⵔⴰⵎⵉⴷ ⵏ ⵉⵎⴻⵍⵜⴰⵖ ⵏ ⵉⵎⴰⵜⴰⵖⵏ.ⵓⵔ ⵉⵙⵙⵉⵏ ⵎⴰ ⵙ ⵉⴷⴷⴰ ⵓⴽⵓⴷ ⵏⵏⴻⵙ ⵡⴰⵍⴰ ⵡⵉ-ⵏ ⵡⴰⵎⵓⵏ ⵏⵏⴻⵙ.ⵉⴳⴰ ⴰⵎ ⵉⵙ ⵉⴷⴷⵓⵀⴷⴰ ⵏⴻⵖ ⵉⵃⵓⵢⴹ.ⴰⵔ ⵉⵜⵜⴰⵡⴻⵢ ⵉⵖⴼ ⵙⴰ ⴷ ⵙⴰ ⴰⵙⵍ ⵏ ⴰⵡⴷ ⵢⴰⵜ ⵜⵡⵓⵔⵉ ⵉⵍⴰⵏ ⵜⵉⵣⵣⵓⵍⵢⴰ
.ⵓⵔ ⵉⵙⵙⵉⵏ ⵎⴰⵢⴷ ⵉⴳⴰⵏ ⴰⵎⴰⴽ ⵏ ⵜⵓⴷⴻⵔⵜ.ⵓⵔ ⵉⵙⵙⵉⵏ ⴰⴷⴻⵏⵙⵉⵔ ⵏ ⵜⵓⴷⴻⵔⵜ ⵏⵏⴻⵙ.ⵓⵔ ⵉⵙⵙⵉⵏ ⴰⴼⴰⵙⵉⵏ ⴳ ⵉⵍⵍⴰ<ⴱⵔ /><ⴱⵔ />.ⵉⴷⴷⴻⵔ ⵉ ⵡⴰⵙⵙ ⵏⵏⴻⵙ.ⵓⵔ ⴰⵔ ⵉⵙⴻⴽⵙⵉⵡ ⵙ ⵉⵎⴰⵍ ⵏⴻⵖ ⴰⴱⵔⵉⵎⴰⵍ.ⵉⴷⴷⴻⵔ ⴰⵙⵍ ⵏ ⵜⵡⴻⵏⴳⵉⵎⵜ,ⴰⵙⴻⵍ ⵏ ⵓⴳⴻⵣⴹⴻⵏ.ⵉⴳⴰ ⴰⵎ ⵓⴷⴻⵔⵖⴰⵍ ⴷ ⵓⴹⴻⵔⴹⵓⵔ.ⵓⵔ ⴰⵔ ⵉⵜⵜⵓⵣⵔⵉⵔ ⵙ ⵉⵅⵉⵜⵉ ⵏ ⵡⵉ-ⵢⵢⴰⴹ.ⵉⵣⴻⴷⴷⵉⴳ ⵉⴳⴻⵏⵏⴰ ⵖⵓⵔ ⵙ ⴷ ⵡⴰⵛⴰⵍ ⵎⴻⵇⵇⴰⵔ ⵉⵣⴷⴻⵖ ⵜⴰⵎⴰ ⵏ ⵉⵖⵉⵔⴼⵉⵔ,ⵎⵖⴰⵔ ⵉⵍⵙⴰ ⴰⴷⴻⵔⴱⴰⵍ ⴷ ⵓⵀⴻⵏⵛⴰⵔ ⵉⵃⴻⵏⴷⴰⴱⵏ.ⵓⵔ ⵉⵙⵙⵉⵏ ⵎⴰⵢⴷ ⵉⴳⴰⵏ ⴰⵟⴻⵏⴼⴻⵔ ⵣⴻⴳ ⵓⵏⵢⴰ ⴰⵔⵓⴽⵙⵉⵍ ⵏ ⵜⵓⴷⴻⵔⵜ ⵏⵏⴻⵙ.ⵓⵔ ⵉⵙⵙⵉⵏ ⴰⵎⴰⴽ ⵏ ⵓⵙⵉⵔⵎ ⴷ ⵓⴱⴻⵢⵜⴻⵍ.ⵎⵖⴰⵔ ⵉⵀⵎⵓⵎⴽ ⵓⵅⵉⵜⵉ ⵏ ⵎⴻⴷⴷⴻⵏ ⵓⵔ ⴰⵔ ⵉⵙⵏⵉⵔⵉⵣ.ⵉⴳⴰ ⵣⵓⵏⴷ ⴰⴳⵏⴰⵡ,ⵉⵍⵙ ⵏⵏⴻⵙ ⴷ ⵉⵎⵉ ⵏⵏⴻⵙ ⴳⵏⴰⵏ.ⵉⴹⵍⵓⵍⵙ ⴰⵙ ⵓⵛⴱⵓ ⴰⵎ ⵉⵙ ⵉⵇⵇⵓⵏⵛⴻⵟⴻⵔⵔⴰ.ⵉⴳⴰ ⴰⵎ ⵢⴰⵏ ⵓⴳⵓⴷⵉⵢ ⵏ ⵉⵊⴷⵉ .ⵓⵔ ⵉⵙⵙⵉⵏ ⵅⴰⵙ ⴰⵀⵏⴰⵢ ⴳ ⵓⵙⴰⵢⵙ ⵏ ⵉⵎⵏⴰⵢⵏ.ⵓⵔ ⵉⵙⵙⵉⵏ ⵎⴰⵢⴷ ⵉⴳⴰⵏ ⴰⵎⵓⴽⵍ ⵡⴰⵍⴰ ⴰⵏⵓⵖⵊⴻⴼ.ⵉⵙⴰⵎⴰ ⵓⴱⵔⵉⴷ ⵖⵓⵔ ⵙ,ⵉⵟⴻⵎⵏⴰ.ⵉⴳⴰ ⵡⴰⵏ ⵓⵎⵜⵜⵉⵏ.ⵉⴽⵍⴻⵍ ⴰⴷ ⵉⵣⵣⴻⴳⵣⵉⵍ ⴰⵙⴰⵏⴼ ⵏⵏⴻⵙ ⵙ ⵉⵙⴻⵎⴹⴻⵍ ⴰⵛⴽⵓ ⵜⵓⴷⴻⵔⵜ ⵏⵏⴻⵙ ⵓⵔ ⵜⴳⵉ ⵅⴰⵙ ⵜⴰⵎⵜⴰⵏⵜ ⴳ ⵜⵉⴼⵔⴻⴽⵜ ⵏ ⵓⵇⵡⵡⴻⴼ.ⴰⴼⴳⴰⵏ ⵡⴰⵔ ⵜⵓⵎⴰⵙⵜ ⵡⴰⵍⴰ ⵜⴰⵏⴻⵜⵜⵉⵜ ,ⵡⴰⵔ ⴰⵏⵓⵎⴽⴰ ⴷ ⵓⴼⵓⵍⴻⵢ ⵓⵔ ⵉⴳⵉ ⵅⴰⵙ ⴰⵎⴻⵜⵜⵉⵏ ⵉⵜⵜⵓⵎⴹⴻⵍⵏ ⴳ ⵉⵣⴻⴽⴽⵉ ⵉⵜⵜⴻⵢⴰⵜⵜⵓⵏ.ⴰⴼⴳⴰⵏ ⵡⴰⵔ ⵜⴰⵡⴻⵏⴳⵉⵎⵜ ⵉⴳⴰⵏ ⵜⴰⵏⵉⴱⴱⴰ ⵉⵙⵙⵉⴳⴳⴰⵏ ⵖⵉⴼ ⵓⵣⵔⴰ ⵓⵔ ⵉⴳⵉ ⵅⴰⵙ ⵉⵎⵉⵙ ⴳ ⵉⴼⴰⵙⵙⴻⵏ ⵏ ⵡⵉ-ⵢⵢⴰⴹ.ⵢⵓⴼ ⴰⵙ ⴰⴷ ⵉⵣⴷⴻⵖ ⵉⵣⴻⴽⴽⵉ ⵡⴰⵍⴰ ⵉⴷⴷⴻⵔ ⴳ ⵓⴳⴰⵔⴷⵓⵔ.
ⴰⵖⵣⵣⴰⴼ ⵎⵓⵃⵎⵎⴰⴷ
Arhazaf Mohammed
ⴰⵀⴻⵚⴽⴰⵍ - ⴰⵀⴻⵔⴷⵓⵣ : L’indifférent
ⵢⵓⵡⴻⵢ ⴱⵄⵉⵜ : Faire attention
ⴰⵎⵓⴷⴰⵔ : L’animal
ⴰⵔ ⵉⵜⵜⴻⵎⵎⴻⵛⵜⴰⵢ : Bouger
ⵉⵙⴻⴼⵜⴻⵍ : Insulter d’une façon abominable.(Awal ittawi-d awal.Idder n lybie. Tawalt.com
ⵜⵉⵅⵉⵎⵎⵓⵜ : Homme sans valeur
ⴰⴷ ⵉⵣⵏⴻⵔ : Etre en collère
ⴰⴷ ⵉⵙⴳⴻⵏⴹⵔ : Etre en fureur
ⴰⵎⵜⵛⵉⵍⵍⴻⵙ : Le silencieux. Celui qui mange sa langue
ⴰⵎⴷⴷⴻⵔⵛⵓⵛⵓ : Celui qui a le cœur mort
ⴰⴷ ⵉⴽⴻⵍⴼⴻⵣ : Etre compliqué. Ne pas être ouvert à son entourage.
ⴰⴷ ⵉⵙⵡⵉⵀⵀⴻⵜ : Protester
ⵉⵎⴻⵣⵣⴰ : Les députés
ⵉⵎⴻⵖⴻⵡⴰⵏ : Les membres de la commune
ⵜⵉⵔⵉⵣⵣⴰ : L’infamie
ⴰⴳⴻⵏⵣⵉ : Le front
ⴰⵔⴰⴳⵉⵎ : L’insulte
ⴰⵏⴻⵎⵔⵉ : Le besoin
ⴰⵛⴰⵎⴰⵏ : Le dieu
ⵜⵓⵎⴰⵙⵜ : L’essence
ⴰⴱⵔⵉⵎⴰⵍ : L’avenir lointain
ⴰⴷ ⵉⵛⵛⵓⵛⴻⵢ : Sensibiliser - réveiller
ⴰⵍⴻⵎⵜⴻⴽ : La baguette
ⵓⵎⵙⵉⴷ : Aigu
ⴰⵎⵙⵓⵔⵙ : L’incitateur
ⴰⴷⴻⵏⵙⵉⵔ : Le sens - la direction
ⴰⴼⴰⵙⵉⵏ : Le degré
ⴰⴷ ⵉⵜⵜⵓⵣⵔⵉⵔ : Etre influencé
ⵉⵅⵉⵜⵉ : Le cas
ⵉⵖⵉⵔⴼⵉⵔ : La poubelle
ⵉⵃⴻⵏⴷⴰⴱⵏ : Sales
ⴰⵟⴻⵏⴼⵓⵔ : Le dégôut
ⴰⵏⵢⴰ : Le ton
ⴰⵔⵓⴽⵙⵉⵍ : Inchangeable
ⴰⵀⵏⴰⵢ : Le fait de voir un spectacle
ⴰⴷ ⵉⴹⵍⵓⵍⵙ : Etre très calme
ⵉⵊⴷⵉ : La terre - le sable
ⴰⵏⵓⵖⵊⴻⴼ : L’inquiétude
ⴰⴷ ⵉⵍⵜⴻⵖ : Adhérer
ⴰⵍⴰⵜⴰⵖ - ⴰⵎⴰⵜⴰⵖ : Le parti
ⴰⵙⴰⵏⴼ : Le sentier
ⴰⵎⵓⴽⵍ : La préoccupation
ⴰⵇⴻⵡⵡⴻⴼ : L’agonie
ⵉⵣⴻⴽⴽⵉ : La tombe
ⵜⴰⵏⵉⴱⴱⴰ : Trou fait au toit pour aérer ou éclairer la maison
ⴰⵣⵔⴰ : Le passé
ⴰⵔ ⵉⵜⵜⴻⵎⵓⴽⴽⵓⵍ : Se préoccupper
ⴰⵔⴰⵎⵉⴷ : L’activité
ⴰⴽⵓⴷ : Le temps
ⴰⵉⵀⵎⵓⵎⴽ : Etre dans un mauvais état
ⴰⵙⵍ : Sans
ⴰⵎⴰⴽ : Le sens