ⴳ ⵜⵉⵏⴳⵉⵔⵉ ⵏ ⵓⵎⴰⴳⵔⴰⴷ ⵉⵏⵓ ⴰⵛⴻⵕⴹⴰⵍⴰⵙ ⵡⵉⵙ-ⵙⵉⵏ ⵖⵉⴼ ⵓⵙⴰⴽⵉⵔ ⴰⵎⴰⵣⵉⵖ ⵖⵕⵉⵖ ⵢⴰⵏ ⵓⵔⴰⴷⵉⴷ (Commentaire) ⵉ ⵓⵙⴻⵍⵎⴰⴷ ⵏⵏⴰ ⵉⵙⵙⴻⵏⴽⴷⵏ ⵉⵖⴼ ⵏⵏⴻⵙ ⵙ ⵢⴰⵏ ⵓⴼⵓⵙ ⵏⵏⴰ ⵢⴰⵔⵓ ⵖⵉⴼ ⵜⵉⴷⵉⵛⵍⵜ ⵏⵏⴻⵙ ⵙ ⵉⵍⵙ ⴰⵄⵕⴰⴱ-ⴰⵎⴰⵣⵉⵖ "ⴰⴷ ⵓⵔ ⵜⴻⴳⴳⴻⵔⴷ ⵉ ⵉⵍⵙ ⵉⵏⵓ" (ما تقيش لغتي ) ⴰⵀⴰ ⴰⵔⵓⵖ ⴰⵙ ⵢⴰⵏ ⵓⵔⴰⴷⵉⴷ ⵎⴰⵛⴰ ⵓⵔ ⵢⴰⴷ ⵙⵙⵉⵏⵖ ⵎⴰⵅ ⴰⵍⵍⴻⵢ ⵓⵔ ⵉⴼⴼⵉⵖ. ⵉⵙⴰⵡⵍ ⵖⵉⴼ ⵓⵙⴻⵎⵔⵙ ⵏ (ⴻ)ⵏⵏⴰ ⴷⴰ ⵙⴳⵉⴷⵉⵢⵖ ⴳ ⵜⵉⵔⵔⴰ ⵏⵓ.ⵢⵓⴼⴰ ⴳ ⵓⵢ-ⴰ ⵢⴰⵏ ⵓⵎⴰⵍⵉⴷ (vice) ⵏⵏⴰ ⵢⵓⵛⵛⴻⵍ ⴰⴷ ⵜ ⵙⵙⴻⵖⵜⵓⵖ (Corriger). ⴽⵓⴷ ⴰⵙ ⵔⵓⵔⵉⵖ ⵏⵏⵉⵖ ⴰⵙ ⵉⵙ ⵓⵔ ⵢⴰⴱⵓⴱ (Il n'est pas possible) ⴰⴷ ⵏⴻⵙⵙⵉⵜⵎ ⴰⴼⴻⵔⴷⴰⵙ ⴷⴷⴻⵖ ⵏ ⵓⴷⴰⵍⵉⴼ ⴰⵎⴰⵣⵉⵖ ⵜⵉⴼⵉⵏⴰⵖ. ⵙ ⵎⵉ ? ⵉⵖ ⵉⴳⴰ (ⴻ)ⵢⴰⵏ ⵓⴼⴻⵔⴷⴰⵙ ⵢⵓⵛⵛⴻⵍ ⴰⴷ ⵢⵉⵍⵉ ⴰⵏⵙⴰ ⵏⵏⴻⵙ ⴳ ⵜⴰⵡⴰⵍⵜ .ⵉⵖ ⵓⵔ ⵜ ⵉⴳⵉ ⵀⴰⵜ ⵢⵓⴼ ⴰⴷ ⵜ ⵏⴻⵙⴼⴹ. ⵉⵍⵍⵉⵖ ⵙⵙⵉⴳⴳⴻⵖ ⴰⵏⵙⴰ ⵏ ⵓⴳⵔⴰⵜⵙⴰ ⵏ ⵓⵙⵉⵏⴰⴳ ⴰⴳⴻⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ ⵍⵓⵎⵏ ⵢⴰⵏ ⵡⴰⵔⵔⴰ ⴷⴷⴰⵡ ⵡⴰⵙⵙⴰⵖ ⵏ "ⴰⴷⴷⴰⴷ ⵏ ⵡⵓⴷⵓⵙ ⵏ ⵓⵙⴳⵎⵉ ⴷ ⵓⵙⵎⵓⵜⵜⴳ ⴷ ⵉⴳⵍⵉⵜⵏ ⵏⵏⵙ"ⴰⵔ ⵙⵙⴰⵔⴰⵖ ⴳ ⵜⴻⵙⵏⴰ ⵜⴰⵎⴻⵣⵡⴰⵔⵓⵜ ⴰⴷ ⴰⵏⵏⴰⵢⵖ "ⴻ"ⵎⴰⵛⴰ ⵓⵔ ⵜ ⵓⴼⵉⵖ ! ⵉⵖ ⵓⵔ ⵉⵍⵍⵉ "ⴻ" ⴰⵏⵙⴰ ⵏⵏⴻⵙ ⴳ ⵜⵉⵔⵔⴰ ⵎⴰ ⵎⵉ ⵉⵙⵓⴼⵔ ? ⵢⵓⴼ ⴰⴷ ⵜ ⵏⴻⴽⴽⴻⵙ ⵣⴻⴳ ⵓⴷⴰⵍⵉⴼ ⵏ ⵜⴼⵉⵏⴰⵖ.ⵎⵙⴻⵇⵙⴰⵖ ⴷ ⵜⵡⴻⵏⴳⵉⵎⵜ ⵉⵏⵓ ⵖⵉⴼ ⵎⴰ ⵙ ⴳⴳⴻⵔⵖ ⵉ ⵉⵍⵙ ⵏ ⵓⵙⴻⵍⵎⴰⴷ ⴷ ⵉⵍⵙ ⵉⵏⵓ ⴷ ⵉⵍⵙ ⵏⵏⴻⵖ ⴰⴽⴽⵯ?. ⴷⴰⵜ ⵓⵙⴻⵍⵎⴰⴷ ⴷⴷⴻⵖ ⵜⴻⴽⴽⴰⵜ-ⵉⵏ ⵢⴰⵜ ⵜⴻⵡⵜⵎⵜ ⵙ ⵡⴰⵙⵙⴰⵖ ⵏ ⵏⵓⵎⵉⴷⵢⴰ ⵜⴰⵏⵏⴰⵢ ⵉⵙ ⴰⵔ ⵙⴳⵉⴷⵉⵢⵖ ⴰⵙⴻⵎⵔⵙ (l'utilisation) ⵏ "ⴻ"ⵉⵙ ⵉ ⵉⵇⵇⴻⵏ ⴰⴷ ⵉⵙⵉⵏⵖ ⵜⴰⵊⵕⵕⵓⵎⵜ ⵏ ⵉⵍⵙ ⴰⵎⴰⵣⵉⵖ ⴷⴰⵜ ⵏ ⵡⴰⴷ ⴰⵔⵓⵖ . ⵔⵓⵔⵉⵖ ⴰⵙ ⴰⵀⴰ ⵏⵏⵉⵖ ⴰⵙ "ⵉⵙ ⵜⵔⵉⴷ ⴰⴷ ⵜ ⵏⴻⴽⴽⴻⵙ ⴰⴽⴽⵯ ?ⵀⴰⵜ ⴰⵔ ⵜ ⵙⴻⵎⵔⴰⵙⵖ ⵖ ⵓⵏⵛⴽ ⵏ ⵓⴹⵓⵍⵍⴻⵢ (La nécessité), ⴷⵉ-ⵏⵏⴰ ⴰⵔ ⵜⵜⴰⵏⵏⴰⵢⵖ ⵉⵙ ⵉⴼⵓⵏⵙ (Etre utile) ⵓⵙⴻⵎⵔⵙ ⵏⵏⴻⵙ. ⵉⵖ ⴷⴰ ⵏⵜⵜⵓⵔⵓ ⵉⵍⵙ ⵏⵏⴻⵖ ⴰⵙⵍ ⵏ "ⴻ"ⵀⴰⵜ ⴰⵎⵎ ⵉⵙ ⴷⴰ ⵏⵜⵜⵓⵔⵓ ⵜⴰⵄⵕⴰⴱⵜ ⵙ ⵜⵉⵔⴳⴰⵍⵉⵏ (Consonnes) ⵀⵉⵍⵍⵉ !" ⵓⵔ ⵢⴰⴷ ⵙⵙⵉⵏⵖ ⵉⵙ ⴰⵙ ⵜⴻⵍⴽⵎ ⵜⴻⴱⵔⴰⵜ ⵎⵉⴷ ⵓⵀⵓ.ⴽⵓⴷ ⴰⵔ ⵇⵇⴰⵕⵖ ⵉⵜⵙⵏ ⵉⴹⵕⵉⵙⵏ ⵙ ⵜⵎⴰⵣⵉⵖⵜ ⵙ ⵓⵙⴽⴽⵉⵍ ⴰⵍⴰⵜⵉⵏ ⴰⵔ ⵜⵜⴰⴼⴰⵖ ⵙ ⵓⵎⴻⴷⵢⴰ : "Aselmad " ⴰⵎⵎ ⴳ ⵓⴹⴰⵕⵉⵙ ⵏⵏⴰ ⵢⴰⵔⵓ ⵎⴰⵙⵙ ⴱⴻⵍⵖⴰⵣⴰⵍⵉ ⵙ ⵓⵙⴰⵖⵔⴰ (ⴰⵙⵙⴰⵖ ⵏ ⵡⴰⵔⵔⴰ : Titre (proposé)) "Tamagit n Tefriqt n ugafa : ⵜⴰⵎⴰⴳⵉⵜ ⵏ ⵜⴻⴼⵔⵉⵇⵜ ⵏ ⵓⴳⴰⴼⴰ" ⴷ ⵜⵡⴰⵍⵉⵡⵉⵏ ⵢⴰⴹⵏ ⵡⴰⵏ : 'Izedɣen , nettini, seg teɣzut n isiwiyen , deg, tanezruft, tella, ger, teƐṛabt atg. ⵉⵖ ⴳⴰⵏ ⴰⵢⵜ ⵓⵙⵉⵏⴰⴳ ⴰⴳⴻⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ "ⴻ" ⴳ ⵜⴰⵎⵏⵏⵉⴷⴰ ⵏ "E ", ⴰⵙⴰⴳ ⵏⵉⵔⵉ ⴰⴷ ⵏⵓⵔⵓ ⴰⵢ-ⵏⵏⴰ ⵉⵜⵜⴻⵢⴰⵔⴰⵏ ⵙ ⵓⵙⴽⴽⵉⵍ ⴰⵍⴰⵜⵉⵏ ⵙ ⵜⴼⵉⵏⴰⵖ ⵀⴰⵜ ⴰⴷ ⵏⵓⵔⵓ ⵜⵉⵡⴰⵍⵉⵡⵉⵏ -ⴰⴷ ⵉⵎⵛⵉ ⵙ (ⴰⵙⴻⵍⵎⴰⴷ, ⵉⵣⴻⴷⵖⴻⵏ, ⵏⴻⵜⵜⵉⵏⵉ, ⵙⴻⴳ ⵜⴻⵖⵣⵓⵜ ⵏ ⵉⵙⵉⵡⵉⵢⴻⵏ, ⴷⴻⴳ, ⵜⴰⵏⴻⵣⵔⵓⴼⵜ, ⵜⴻⵍⵍⴰ, ⴳⴻⵔ, ⵜⴻⵄⵕⴰⴱⵜ). ⵓⵔ ⵏⵏⵉⵖ ⵓⵀⵓ ⵉ ⵓⵙⴻⵎⵔⵙ ⵏ "ⴻ"ⵎⴰⵛⴰ ⴰⴷ ⴰⵔⵓⵖ "ⵉⵣⴻⴷⵖⵏ "ⵓⵔ ⵉⴷ "ⵉⵣⴻⴷⵖⴻⵏ"ⵜⴰⴼ ⴰⴷ ⵜⴻⵖⵜⵓ (Etre correct) ⵜⵉⵔⵔⴰ. ⵎⴻⵛ ⴷⴰ ⵜⵜⵉⵏⵉⵏ ⵉⵎⵓⵣⴰⵢⵏ (Les experts) ⵉⵙ ⵉⴳⴰ "ⴻ"ⴰⵎⵛⵛⵓⵛⵛⴻⴹ (Lubrifiant) ⵀⴰⵜ ⵓⵔ ⴷ ⵢⵓⵙⵉ ⴰⴷ ⵏⵓⵔⵓ ⵜⴰⵡⴰⵍⵜ ⵜⴰⵎⴰⵣⵉⵖⵜ ⴰⵙⵍ ⵏ "ⴻ"ⵉⵏⵃ ⵉⴹⵓⵍⵍⴻⵢ ⵓⵙⴻⵎⵔⵙ ⵏⵏⴻⵙ ⴼⴰⵔ ⴰⴷ ⵉⵙⵙⴻⴼⵙⵉⵙ ⵜⵉⵖⵕⵉ ⵉ ⵓⵏⴻⵍⵎⴰⴷ ⴰⵎⴻⵥⵥⴻⵢⴰⵏ ⴷ ⵓⵎⴻⵖⵕⵉ ⴰⵎⴻⵇⵕⴰⵏ. ⴰⴷ ⵢⵓⵔⵓ ⵛⵔⴰ ⴰⴹⵕⵉⵙ ⵏⵏⴻⵙ ⴰⵙⵍ ⵏ"ⴻ"ⵀⴰⵜ ⵉⵙ ⵉⵔⴰ ⴰⴷ ⵉⴽⴽⴻⵙ "ⴻ" ⵣⴻⴳ ⵓⴷⴰⵍⵉⴼ ⴰⵎⴰⵣⵉⵖ. ⴰⵢ-ⴰ ⵓⴳⵉⵢⵖ (Refuser) ⵜ. ⵉⵇⵇⴻⵏ ⴰⴷ ⵢⵉⵍⵉ "ⴻ"ⴰⵏⵙⴰ ⵏⵏⴻⵙ ⴳ ⵜⴰⵡⴰⵍⵜ ⵜⴰⵎⴰⵣⵉⵖⵜ ⵙ ⵓⴹⵓⵍⵍⴻⵢ. ⵓⵔ ⵉⵖⵜⵉ ⴰⴷ ⵏⵓⵔⵓ "ⵏⵏⵙ ,ⴷⴳ ,ⵖⵕ..." ⵖ ⵉⴽ-ⴰⴷ ⵎⴰⵛⴰ ⵉⵎⵛⵉ ⵙ : "ⵏⵏⴻⵙ,ⴷⴻⴳ,ⵖⴻⵕ". ⴰⵙⴰⴳ ⵏⵓⵔⵓ ⵙ ⵓⵎⴻⴷⵢⴰ ⵜⴰⵏⵣⵔⵓⴼⵜ ⵉⵎⵛⵉ ⴷⴷⴻⵖ ⵀⴰⵜ ⴰⴷ ⵜⵜⵓⵙⴻⴼⵛⵢ ⵜⵖⵓⵕⵉ ⴷⴰⵜ ⵓⵏⴻⵍⵎⴰⴷ ⴰⵎⴻⵚⴽⴰⵏ ⵓⵔ ⵉⴷ ⴰⵎⵎ ⴰⴷⴷⴰⵢ ⴷⴰ ⵏⵜⵜⵓⵔⵓ "ⵜⴰⵏⴻⵣⵔⵓⴼⵜ"ⴰⵛⴽⵓ ⴰⵎⵛⵛⵓⵛⴹ "ⴻ"ⴰⴷ ⵉⵛⵛⵓⵛⴹ ⵜⵉⵖⵕⵉ ⵏ ⵓⵏⴻⵍⵎⴰⴷ ⴰⵎⴻⵥⵥⴻⵢⴰⵏ ⴰⵀⴰ ⵉⵙⵙⴻⴼⵙⵉⵙ ⵜ. ⵀⴰⵜ ⵉⴽⴽⴰ ⵢⴰⵏ ⵓⵎⵓⵣⴰⵢ ⴰⴷⵣⴰⵢⵔⵉ ⵉⵙⴰⵡⵍ ⵖⵉⴼ ⵓⵙⴻⵎⵔⵙ ⵏ "ⴻ" ⵙ ⵓⵙⴽⴽⵉⵍ ⴰⵍⴰⵜⵉⵏ ⴰⵀⴰ ⵉⵏⵏⴰ ⵉⵙ ⵉⵇⵇⴻⵏ ⴰⴷ ⵜ ⵏⴻⵙⵙⴻⵎⵔⵙ ⴼⴼⵉⵔ ⵙⵏⴰⵜ ⵏ ⵜⴻⵔⴳⴰⵍⵉⵏ. ⵓⵔ ⵢⴰⴷ ⵛⵜⵉⵖ ⴰⵙⵙⴰⵖ ⵏ ⵓⵎⵓⵣⴰⵢ ⵜ ⵉⵏⵏⴰⵏ. ⵀⴻⵢⵢⴰ ⵓⵔ ⵏⴻⵜⵜⵓⵢⴰⵇⵇⵉⵍ ⵣⴻⴳ ⵓⵙⴻⵎⵔⵙ ⵏ "ⴻ" ⴷⵉ-ⵏⵏⴰ ⵉⴹⵓⵍⵍⴻⵢ ⵓⵙⴻⵎⵔⵙ ⵏⵏⴻⵙ.ⵀⴰⵜ ⵍⵍⴰⵏ ⵡⵉ-ⵏⵏⴰ ⵜⵜⴰⵔⵓⵏ ⵜⵉⵡⴰⵍⵉⵡⵉⵏ ⵜⵉⵎⴰⵣⵉⵖⵉⵏ ⵙ ⵜⵉⵔⴳⴰⵍⵉⵏ ⵀⵉⵍⵍⵉ ⵡⴰⵏ ⵡⵉ-ⵏⵏⴰ ⵉⵜⵜⵓⵔⵓⵏ ⵜⴰⵄⵕⴰⴱⵜ ⴰⵙⵍ ⵏ ⵉⵖⵕⴰ !.ⵉⴷ ⵓⵔ ⵉⵏⵏⵉ ⴰⴷ ⵜⵜⵓⵙⴻⵏⴱⵓⵜⵜⴻⵍ ⵜⵖⵓⵕⵉ ⵏ ⵡⴰⵎⵎ ⵜⵉⵔⵔⴰ ⴷⴷⴻⵖ ⴰⵎⵎ ⴰⵢ-ⵏⵏⴰ ⵢⴰⵖⵏ ⵜⴰⵄⵕⴰⴱⵜ ⵉⵜⵜⴻⵢⴰⵔⴰⵏ ⴰⵙⵍ ⵏ ⵉⵖⵔⴰ ⴰⵔ ⵢⴰⵏ ⵓⵡⵜⵜⵓ ⴰⴽⴽⵯ ⵎⴰ ?ⵉⴷ ⵓⵔ ⵉⵏⵏⵉ ⵓⵢ-ⴰ ⴰⴷ ⵉⵙⴻⵏⴱⵓⵜⵜⴻⵍ ⴰⵡⴷ ⵜⵉⴳⵣⵉ ⵏ ⵓⴳⴰⴱⵉⵔ (Le contenu) ⵏ ⵓⴹⵕⵉⵙ ?! ⵉ ⵎⴰ ⴰⵅ ⴰⴷ ⵉⴽⴽ ⵓⴼⵉⵍⵉ ⵏ ⵜⵎⴰⵣⵉⵖⵜ ⴷⵉ-ⵏⵏⴰ ⵉⴽⴽⴰ ⵓⵙⵙⴻⴳⵏⵉ ⵏ ⵜⴻⵄⵕⴰⴱⵜ ?!
ⵣⴻⴳ ⵢⴰⵏ ⵡⴰⵥⵢ ⵢⴰⴹⵏ ⵉⵙⵓⵎⵔ ⵉ ⵓⵙⴻⵍⵎⴰⴷ ⴱⴻⵍⵖⴰⵣⴰⵍⵉ ⴰⴷ ⵖⴻⵕⵖ ⵉⵎⵓⵡⵉⵍ ⵉⵣⵡⴰⵔⵏ ⴷⴰⵜ ⵏ ⵡⴰⴷ ⴰⵔⵎⵖ ⴰⴷ ⵖⵏⵓⵖ ⵜⵉⵡⴰⵍⵉⵡⵉⵏ ⵜⵉⵎⴰⵢⵏⵓⵜⵉⵏ. ⵉⵖⵓⴷⴰ ⴰⴷ ⵉⵙⵉⵏⵖ ⵎⴰⵢⴷ ⵏⵏⴰⵏ ⵉⵎⴻⵣⵡⵓⵔⴰ ⵎⴰⵛⴰ ⵎⴻⵔⴷⴰⵢ ⵓⴼⵉⵖ ⴰⴽⴽⵯ ⵉⵎⵓⵡⵉⵍ ⴷ ⵉⵣⵔⴰⵡⵏ ⴷⴰⵜ ⵉ ⵜⴰⴼ ⴰⴷ ⵜⴻⵏ ⵖⴻⵕⵖ ⴰⴽⴽⵯ ⴷⴰⵜ ⵏ ⵡⴰⴷ ⴳⴻⵔⵖ ⵜⴰⵏⵏⴰⵢⵜ ⵉⵏⵓ ⵉⵖ ⵜ ⵍⵉⵖ, ⵏⴻⵖ ⴰⴷ ⵔⵏⵓⵖ ⵛⴰ ⵏ ⵜⴰⵡⴰⵍⵜ ⵜⴰⵎⴰⵢⵏⵓⵜ ⵜⴰⴼ ⴰⴷ ⵙⵙⴻⴱⵖⵕⵖ ⵉⵍⵙ ⴰⵎⴰⵣⵉⵖ. ⵎⴰⵛⴰ ⴰⵙⴰⴳ ⵉⵜⵜⵓⵜ ⵛⴰ ⵖⵉⴼ ⵓⵇⵕⵕⵓ ⵏⵏⴻⵙ ,ⵓⵔ ⵉⵏⵏⵉ ⴰⴷ ⵉⵇⵇⴻⵍ ⴰⵔⴷ ⵢⴰⴼ ⴰⵍⵍⴰⵍ ⵎⴰ ⵙ ⵉⵜⵜⴻⵔⴰⵔⴰ ⵜⵉⵜⵉ ⵏ ⵓⵛⴻⵏⴳⵓ, ⵇⴻⵏⵏⴰ ⴰⴷ ⵉⵙⵎⵓⵜⵜⴻⵔ ⵉⵙⵍⵍⵉⵡⵏ ⵏ ⵜⵎⴰⵣⵉⵔⵜ ⵏⵏⴰ ⴳ ⵉⵍⵍⴰ ⴼⴰⵔ ⴰⴷ ⵉⵡⵡⴻⵜ ⵜⵉⵜⵉ ⵉⵣⴻⴱⴱⴻⵄⵏ ⴰⵛⴻⵏⴳⵓ.ⵙ ⵓⵏⵓⵀⵙ (Par jalousie), ⴰⵙ ⵏⵛⴻⵔⵖ, ⴰⵔ ⵜⵜⴻⵎⵎⴻⵡⴰⵜⵖ ⴷ ⵓⴳⴰⵢⵢⵓ ⵏⵓ ⵡⴰⵏ ⵓⵃⵢⵓⴹ ⵜⴰⴼ ⴰⴷ ⵔⴰⵔⵖ ⴰⵙⴻⵍⴽⵓ (Le mépris) ⵏ ⵓⵛⴻⵏⴳⵓ. ⴰⵙⴰⴳ ⵇⵇⴻⵏⵖ ⵢⴰⵏ ⵓⵅⴱⵓ ⴰⵔ ⵜⵜⵉⵖⵉⵍⵖ ⵉⵙ ⴰⵔ ⵜⵜⴻⴷⴷⵓⵖ ⵙ ⴷⴰⵜ.ⵎⴰⵛⴰ ⴰⴷⴷⴰⵢ ⵓⵔ ⵔⵉⵏ ⵉⵎⴰⵣⵉⵖⵏ ⴰⴷⵉ ⴷ ⵎⵓⵏⵏ ⵀⴰⵜⵉⵏ ⴰⴷ ⵙⵢⴰⴼⴰⵖ ⴰⴱⴻⵢⵜⵍ (La déception). ⴳ ⵓⴱⵔⵉⴷ ⴷⴷⴻⵖ ⵉⵙⵓⵍⵏ ⵉⵍⵍⴰⵙⵏ ⵎⴻⵛⵜⴰ ⵏ ⵓⵙⴰⴼⵓ ⴰⵢⴷ ⵉⵅⵙⵉⵢⵏ. ⵎⴰ ⴰⵏⵉ ⵎⴻⵏⵏⴰⵡ ⵏ ⵉⵎⴻⴷⵛⴰⵍⵏ (Les écrivains) ⴷ ⵜⵎⴻⴷⵛⴰⵍⵉⵏ ⵉⴽⴽⴰ ⴰⵔ ⵜⵜⵓⵔⵓⵏ ⵙ ⵜⵉⵕⵖⵉ ? ⴷⴷⴰⵏ/ⴷⴷⴰⵏⵜ ,ⴼⴻⵙⵜⴰⵏ/ⴼⴻⵙⵜⴰⵏⵜ ⴰⵎⵎ ⵉⵙ ⵏⵉⵡⴹ ⵉⵊⵊⴻⵢⴰⵍ.ⵀⴰⵏ ⴷⵖⵉ ⴰⵢⴷ ⴰⵖ ⵉⵣⵏⵏⴻⵏ (Avoir besoin) ⵉⵍⵙ ⴷ ⵓⴷⴰⵍⵉⵙ ⵉⵎⴰⵣⵉⵖⵏ ⵓⴳⴳⴰⵔ ⵏ ⵡⵓⴽⵓⴷ ⵍⵍⵉ ⵉⵣⵔⵉⵢⵏ.ⴽⴽⴰⵏ ⵉⵎⴰⵣⵉⵖⵏ ⵙⴰⵡⵍⵏ ⵖⵉⴼ ⵜⵎⴰⵣⵉⵖⵜ ⵣⵓⵏⴷ ⴰⵢ-ⵏⵏⴰ ⵉⴽⴽⴰ ⵉⵏⵏⴰ ⵎⴰⵙⵙ ⴱⵔⴰⵀⵉⵎ ⴰⵅⵢⵢⴰⴹ ⴳ ⵢⴰⵏ ⵓⵍⵎⵓⵇⵇⴰⵔ ⵏ ⵜⵥⵓⵕⵉⵡⵉⵏ ⵜⵉⵎⴰⵣⵉⵖⵉⵏ ⴳ "ⴱⵏⵉ ⵎⴻⵍⵍⴰⵍ" ⵏⴻⵖ ⴰⵢⵜ ⵓⵎⵍⵍⴰⵍ, ⵉⴷ ⴷⵖⵉ ⵀⴰⵜ ⵉⵇⵇⴰⵏⴷ ⴰⴷ ⵏⵙⴰⵡⵍ ⵙ ⵜⵎⴰⵣⵉⵖⵜ ⵖⵉⴼ ⵜⵎⴰⵣⵉⵖⵜ.ⵉⵖⵥⴰⵏ ⵎⴰⵙⵙ ⴱⵔⴰⵀⵉⵎ ⴰⵅⵢⵢⴰⴹ,ⵉ ⵎⴰ ⴰⵅ ⴰⴷ ⵓⵔ ⴳⴻⵔⵖ ⵖ ⵓⵖⴰⵔⴰⵙ ⵎⴰ ⵎⵉ ⴷⴰ ⵜⵜⵉⵖⵉⵍⵖ ⵉⵙ ⵇⴻⵏⵏⴰ ⴰⴷ ⵉⵃⵓⴼ ⵉⵎⵉⵇ ⵏ ⵜⴰⵍⵍⴻⵙⵜ? ⵎⴻⵛ ⵙⵉⵙ ⵙⵙⵓⴷⴷⴰⵏ ⵉⵎⴰⵣⵉⵖⵏ ⴰⴱⵔⵉⴷ ⵀⴰⵜ ⴰⵢ-ⵏⵏⴰⵖ ⴰⵢⴷ ⵔⵉⵖ. ⵉⴷⴷ ⵉⵙ ⵓⵔ ⵍⵉⵏ ⴰⵍⵍⴻⵏ ⵎⴰ ⵙ ⵜⵜⵉⵥⵉⵕⵏ ⵉⵙⵓⴼⴰ ⵀⴰⵜ ⵉⵙ ⵎⵢⴰⵔⵏ ⵜⴰⵍⵍⴻⵙⵜ ⴰⵍⵍⴻⵢ ⴰⵙⵏ ⵜⴻⵛⵏⴰ ⵎⵓⵎⵥⵕⵉ ?! ⵉⵜⵜⵓⵢⴰⵏⵏⴰ ⵉ ⴳ ⵢⴰⵏ ⵓⴳⵔⴰⵡ ⵏ ⵉⵜⵙⵏ ⵉⵙⵎⵓⵏⵏ ⵙ ⵉⵎⵛ ⴰⵔⵓⵙⵔⵉⴷ : 'ⵉ ⵎⴰ ⵙ ⵉⵜⵜⵉⵍⵉ ⵛⴰ ⴰⵣⵔⴼ ⵏ ⵡⴰⴷ ⵉⵔⵏⵓ ⵉ ⵉⵍⵙ ⵏⵏⴻⵙ ⵢⴰⵜ ⵜⴰⵡⴰⵍⵜ '. ⵏⵏⵉⵖ ⴰⵙ ⵎⴻⵛ ⵓⵔ ⵍⵉⵖ ⴰⵣⵔⴼ ⵏ ⵡⴰⴷ ⵙⴻⵏⴼⵍⵓⵍⵖ ⵎⴰ ⴰⵅ ⴰⵍⵍⴻⵢ ⴽⴽⴰⵏ ⵉⵜⵙⵏ ⵉⵎⴻⴷⵛⴰⵍⵏ ⴳ ⵓⵕⵓⴱⴱⴰ ⴰⵔ ⵙⵙⴻⵎⵔⴰⵙⵏ ⵜⵉⵡⴰⵍⵉⵡⵉⵏ ⵏⵏⴰⵏ ⵖⵏⴰⵏ ⵙ ⵜⵡⴻⵏⴳⵉⵎⵉⵏ ⵏⵙⴻⵏ ? ⵎⴰ ⴰⵅ ⴰⵍⵍⴻⵢ ⴷⴰ ⵏⴻⵇⵇⴰⵕ ⵉⵙ ⵜⴰⵡⴰⵍⵜ ⴷⴷⴻⵖ ⵜⴰⴼⵕⴰⵏⵚⵉⵚⵜ ⵉⵖⵏⴰ ⵜ ⵓⵎⵙⴰⵏ ⴷⴷⴻⵖ ⵏⴻⵖ ⵡⴰⵏ; ⵉⵙⵙⴻⵎⵔⵙ ⵜ ⴳ ⵜⵉⴽⴽⴻⵎⵜ ⵜⴰⵎⴻⵣⵡⴰⵔⵓⵜ ⵎⴰⵙⵙ .. ? ⵙ ⵓⵣⵔⴼ ⵏ ⵓⵎⵉ ⴰⵍⵍⴻⵢ ⵖⵏⴰⵏ ⵉⵎⵙⴰⵏⵏ ⴷ ⵉⵎⴻⴷⵛⴰⵍⵏ ⴷⴷⴻⵖ ⵜⵉⵡⴰⵍⵉⵡⵉⵏ ⵜⵉⵎⴰⵢⵏⵓⵜⵉⵏ ⴰⵀⴰ ⵙⵙⴻⴱⵖⵕⵏ (Enrichir) ⴰⵍⵙⵉⵡⵏ ⵏⵙⴻⵏ ⴷ ⵉⴷⴰⵍⵉⵙⵏ ⵏⴻⵙⵏ?ⵎⴻⵛ ⵉⴳⴰ ⴰⵡⴰⵍ ⵓⵡⵔⵉⴽ (Individuel) ⴰⵀⴰ ⵉⴳ ⵉⵍⵙ ⴰⵎⵓⵏⴰⵏ (Social) ; ⵀⴰⵏ ⵉⵍⵙ ⵉⴳⴰ ⴰⴼⴰⵔⵉⵙ ⴰⵎⵓⵏⴰⵏ ⵏⵏⴰ ⵖⴻⴼ ⵎⵙⴰⵙⴰⵏ ⵉⵙⴻⵏⵍⴰⵙⵏ (Les linguistes) , ⵏⴻⵖ ⵡⵉ-ⵏⵏⴰ ⵍⴰⵏ ⵓⵙⵓⵏ ⵏ ⵉⵍⵙ ⵏⵙⴻⵏ. ⵉ ⵎⴰ ⴰⵅ ⴰⴷ ⵓⵔ ⴳⴻⵔⵖ ⵅ ⵓⵖⴰⵔⴰⵙ ⴰⵢ-ⵏⵏⴰ ⵎⵉ ⵣⴹⴰⵕⵖ ⴰⴷ ⵜ ⴳⴻⵔⵖ ? ⴰⵙⴰⴳ ⵜⴻⵏⵛⵔ ⵜⵙⵓⵜⴰ ⵜⴰⵎⴰⵢⵏⵓⵜ ⴰⴷ ⵜⴰⴼ ⴷⴰⵜ ⴰⵙ ⵢⴰⵏ ⵓⵍⵓⵜⵉⵎ (Un tas) ⵏ ⵜⵡⴰⵍⵉⵡⵉⵏ ⴷⴰⵢ ⵜⴰⵙⵢ ⴰⵢ-ⵏⵏⴰ ⵜⵔⴰ , ⴰⵢ-ⵏⵏⴰ ⵉⴼⵙⵙⵓⵙⵏ , ⴰⵢ-ⵏⵏⴰ ⵉⵎⵙⴰⵙⴰⵏ ⴷ ⵉⵍⴰⴳⵉⵎⵏ (Les normes) ⴷ ⵉⵍⴰⴳⵉⵏⵏ (Les règles ) ⵏ ⵉⵍⵙ ⵏⵏⴻⵖ ⵓⵏⵙⵉⵢ (Traditionnel) ⴷ ⵓⴳⴰⵎⴰⵏ (Naturel). ⵉⵖ ⵏⵔⴰ ⴰⴷ ⴷⵉⵖ ⵏⴻⵙⴽⵓ ⵉⵖⵕⵎ ⵏⵏⴻⵖ ⵀⴰⵜ ⵢⵓⵛⵛⴻⵍ ⴰⴷ ⵏⴻⵎⵢⴰⵡⴰⵙ ⵜⴰⴼ ⴰⴷ ⵏⴻⵙⵎⵓⵜⵜⴻⵔ ⵉⵙⵍⵍⵉⵡⵏ ⵏ ⵜⵎⴰⵣⵉⵔⵜ ⵎⴰ ⵙ ⵏⴻⵏⵏⴰ ⴰⴷ ⵏⵙⵙⵉⵍⵢ ⵉⵖⵓⵔⴰⴱ ⵏⵏⴻⵙ ⵎⵉⴷ ⵉⵀⵉ ?. ⵉⵖ ⵉⵏⵏⴰ ⴽⵔⴰ ⵢⵓⴷⴰ ⴰⵖ ⴰⵢ-ⵏⵏⴰ ⵖⵓⵕ ⵏⵏⴻⵖ ⵉⵍⵍⴰⵏ ⴰⵀⴰ ⴰⵔ ⵉⵙⴰⵡⴰⵍ ⵙ ⵉⵍⵙ ⵉⴳⴰⵏ ⴰⵎⵎ ⵓⴷⴻⵔⴱⴰⵍ ⵀⴰⵜ ⵉⵙ ⴷⴰ ⵉⴽⴽⴰⵜ ⵉⵖⴼ ⵏⵏⴻⵙ ⴰⵀⴰ ⵓⵔ ⵉⵙ ⵢⵓⵛⵉ.ⵉⵔⴰ ⵓⵣⵎⵣ ⴰⴷ ⵏⴻⵎⵢⴰⵡⴰⵙ , ⴰⴷ ⵏⴻⵣⵀⵍ ⴰⵙⴻⵏⴼⵍⵓⵍ (Encourager la créativité ), ⴰⴷ ⵏⴻⵙⴳⵓⵔⵜ (Discuter) ⵉⵎⵛ ⵏⵏⴰ ⵙ ⵉⵖⵏⴰ (Créer) ⵡⴰ ⵏⴻⵖ ⵜⴻⵖⵏⴰ ⵜⴰ-ⵏ ⵜⴰⵡⴰⵍⵜ ⵜⴰⵎⴰⵢⵏⵓⵜ. ⵎⴻⵛ ⴷⴰ ⵏⵜⵜⵉⵏⵉ ⵉⵛⴻⵔⵎⴹ (Etre prêt) ⵉⵍⵙ ⵏⵏⴻⵖ ,ⵡⴰⵍⵓ ⵎⴰⵢⴷ ⵉⵜⵜⴻⵔⵏⵓ (Ajouteer) ⵓⵎⴳⴳⴰⵔⵓ ⵀⴰⵜ ⴰⵎⵎ ⵉⵙ ⴷⴰ ⵏⵜⵜⵉⵏ :' ⵓⵔ ⵓⴷⵊⵉⵏ ⵉⵎⴻⵣⵡⵓⵔⴰ ⵉ ⵉⵎⴳⴳⵓⵔⴰ ⵎⴰⵢⴷ ⵜⵜⵉⵏⵉⵏ" ⴰ ⴰⵄⵔⵉⵏ ⵏⵏⴻⵖ ⵎⴻⵛ ⵉⵛⴻⵔⵎⴹ ⵉⵍⵙ ⵏⵏⴻⵖ !ⵎⴻⵔ ⵓⴼⵉⵖ ⵎⴰⵢⴷⵉ ⵉⵜⵜⵉⵏⵉⵏ :'ⴷⴷⵓ ⵙⵡⵓⵏⴼⵓ, ⵡⴰⵍⵓ ⵎⴰ ⵅⴻⴼ ⴷⴰ ⵜⵜⴰⵙⵉⴷ ⴰⵏⴻⵣⴳⵯⵓⵎ" . ⵉⵖ ⵉⵛⴻⵔⵎⴹ ⵉⵍⵙ ⵏⵏⴻⵖ ⵎⴰⵅ ⴰⴷ ⵏⴰⴼ ⴳ ⵓⵎⴰⵡⴰⵍ ⵏ ⵓⵙⵉⵏⴰⴳ ⴰⴳⴻⵍⴷⴰⵏ ⵜⵉⵡⴰⵍⵉⵡⵉⵏ ⴰⵎⵎ ⵜⵉ "ⵍⴱⵓⵍⵉⵙ"ⴷ "ⵜⵜⵉⵍⵉⴱⵉⵣⵢⵓⵏ" ? ⵎⴰ ⴰⵅ ⴰⴷ ⵏⴹⵓⵏ ⴰⵢⵜ ⵓⵎⴰⵡⴰⵍ ⵜⵉⵡⴰⵍⵉⵡⵉⵏ ⴰⵎⵎ ⵜⵉ"ⵜⵉⵍⵉⴼⵓⵏ"ⴷ "ⵜⵉⵍⵉⴳⵔⴰⵎ" ? ⴰⵔ ⵎⴰⵏ ⵜⵓⵔ ⵏⵜⵜⴰⴷⵊⴰ ⵉⵅⴱⴰ ⵓⵔ ⵇⵇⵉⵏⵏ ⴳ ⵉⵖⵓⵔⴰⴱ ⵏⵏⴻⵖ ?! ⵎⴰ ⴰⵢ ⴷ ⵉⵜⵜⵉⵏⵉⵏ ⵉ ⵛⴰ :'ⵜⵓⴼⵉⴷ ⴰⵡⴰⵍ 'ⵏⴻⵖ :" ⴷⴰ ⵜⴻⴽⴽⴰⴷ ⵉⴳⵏⵏⴰ ⵡⴰⵏ ⵓⵃⵢⵓⴹ"ⵏⴻⵖ ⴷ ⴰⴽⴽⵯ 'ⵇⵇⴻⵏ ⵉⵎⵉ ⵏⵏⴻⵛ ,ⵀⴰⵜ ⵓⵔ ⵜⴻⵏⵏⵉⴷ ⴰⵎⵢⴰ "ⵏⴻⵖ ⴰⵙ ⵉⵏⵏⴰ "ⵀⴰⵏ ⵉⵎⵊⵊⴰⵏ ⵏⵏⴻⵖ ⵓⵔ ⵙⴰⵍⴰⵏ ⴰⵡⴰⵍ ⵏⵏⴻⵛ ". ⴳⴻⵔⵖ ⴰⵢ-ⵏⵏⴰ ⴳⴻⵔⵖ ⴳ ⵓⴱⵔⵉⴷ ⵉⵙ ⵔⵉⵖ ⴰⴷ ⵔⴰⵔⵖ ⵜⵉⵜⵉ ⵏ ⵓⵛⴻⵏⴳⵓ ⴷ ⵓⵙⴻⵍⴽⵓ ⵏⵏⴻⵙ, ⵙ ⵓⵏⵓⵀⵙ ,ⴰⵙ ⵛⵉⵖ ⵉⵖⴼ ⵉⵏⵓ ⵉ ⵜⵎⴰⵔⴰ ⴰⵙⵍ ⵏ ⵓⵔⵢⴰⴱⴱⵓⵀ (Pitié) , ⵉⵙ ⵔⵉⵖ ⴰⴷ ⴰⵏⵏⴰⵢⵖ ⵉⵍⵙ ⵉⵏⵓ/ⵏⵏⴻⵛ/ⵏⵏⴻⵎ/ⵏⵏⴻⵖ ⵖ ⵓⵃⴻⵔⵎⵉⵍ (Le niveau) ⵏ ⵉⵍⵙⴰⵡⵏ ⵉⴳⴰⵏ ⵉⵎⵏⴰⵢⵏ ⵏ ⵡⵓⵙⵓⵏ ⴳ ⵓⵎⴰⴹⴰⵍ ⵖ ⵢⴰⵏ ⵓⵛⴱⵓⵏⵛⵇ ⵏ ⵜⵉⵟ (Le clin d'œil ). ⴰⵙⴰⴳ ⵓⴼⵉⵖ ⵛⴰ ⵏ ⵓⵎⴰⵡⴰⵍ ⴰⵔ ⵜ ⵇⵇⴰⵕⵖ ,ⴰⵙⴰⴳ ⵣⵓⵜⴼⵖ ⵜⵉⵡⴰⵍⵉⵡⵉⵏ ⵜⵉⵎⴰⵢⵏⵓⵜⵉⵏ ⵏⵏⴰ ⵓⵔ ⴷⵊⵉⵏ ⴰⵙⵏⵜ ⵙⴻⵍⵍⴰⵖ ⴰⵔ ⵜⵜⴻⵙⵇⵉⵏⴼⵉⴷⵖ (Se soulager) , ⴰⵔ ⵜⵜⴻⵙⵡⴰⵏⴼⴰⵖ, ⴰⵔ ⵜⵜⴻⵙⵢⴰⴼⴰⵖ ⵜⵓⴷⴻⵛⵜ (Le plaisir) ⵀⴰⵜ ⴰⵎⵎ ⵉⵙ ⴷⴰ ⵜⵜⴻⴽⴽⵯⵓⵔⵖ ⵜⵉⴽⵛⵛⴰ (Les poches) ⵏⵓ ⵙ ⵉⴳⴰⵔⵉⵜⵏ ⵏ ⵓⵍⴷⵓⵏ (Les balles de plomb". ⵀⴰⵜ ⵉⵙ ⵉⵍⵍⴰ ⵖⵓⵕ ⵉ ⵎⴰ ⵙ ⵜⵜⴻⵎⵎⴻⵡⴰⵜⵖ ⴷ ⵓⵛⴻⵏⴳⵓ ⵓⵔ ⵉⵍⵉⵏ ⵓⴷⵎ , ⵓⵔ ⵉⵍⵉⵏ ⵜⵉⴼⵉⵔⴰⵙ ⵎⴰ ⵙ ⵉⵜⵜⴻⵢⴰⴽⵯⴰⵣ ⴰⵛⴽⵓ ⴳ ⴽⵓ ⵜⵉⴽⴽⴻⵍⵜ ⴰⵔ ⵉⵍⵙⵙⴰ ⴰⵎⵖⴰⵕⵇⴻⵛⴱⵓ (Le masque) ⴰⵎⴰⵢⵏⵓ. ⴰⵔⴰⴷ ⵎⴰⵢⴷ ⵜⵜⵉⵏⵉⴷ ⴰⵡⴷ ⵛⴻⵢ /ⴷ ⴰⵡⴷ ⵛⴻⵎ ⴰⴷⴷⵓⵡⴰⴷ ⴰⴷ ⵏⴻⵎⵄⴰⵍⴰ ⴰⴽⴽⵯ ⴰⵢ-ⵏⵏⴰ ⵉⵜⵜⵓⵖⵏⴰⵏ ⵜⴰⴼ ⴰⴷ ⵏⴰⵙⵢ ⴰⵢ-ⵏⵏⴰ ⵓⵔ ⵉⵙⵎⴻⵔⵔⴰⵜⵏ ⵉⵃⴻⵔⵊⴰⴹ (Les gorges) ⵏ ⵉⵎⴻⵥⵥⴻⵢⴰⵏⵏ, ⴰⵢ-ⵏⵏⴰ ⵉⵎⵢⴰⵏⴰⵎⵏ ⴷ ⵜⵉⵔⵙⴰⵍ ⴷ ⵓⴷⴰⵙⵉⵍ ⵏ ⵉⵍⵙ ⵏⵏⴰ ⵏⴻⴽⴽⵓⵙⴰ ⵣⴻⴳ ⵉⵎⴻⵣⵡⵓⵔⴰ ⴰⵙⵍ ⵏ ⵉⵡⵜⵜⴰ , ⴰⵢ-ⵏⵏⴰ ⵉⵔⵙⴻⵍⵏ , ⴰⵢ-ⵏⵏⴰ ⵉⴼⴻⵙⵙⵓⵙⵏ, ⴰⵢ-ⵏⵏⴰ ⵉⵎⴰⵏ ⴷ ⵓⵎⴹⴰ ⴰⴷ ⵢⵉⵍⵉ ⴰⵣⵔⴼ ⵏ ⵓⵏⵢⵓⴷⴷⵓ.ⵀⴰⵜ ⵄⵏⵉⵖ ⵙⵓⵍⵏ ⵛⵉⴳⴰⵏ ⵏ ⵉⵅⴱⴰ ⵓⵔ ⵜⴰ ⵇⵇⵉⵏ ⵙ ⵉⵔⵔⵉⵙ (L'argile) ⴰⵎⴰⵣⵉⵖ. ⵀⴰⵜ ⵔⵉⵖ ⴰⵣⵟⵟⴰ ⵉⵣⴹⴰⵏ ⵙ ⵜⴰⴹⵓⵟ ⵉⵍⵍⴻⵎⵏ ⵙ ⵉⴼⴰⵙⵙⴻⵏ ⵏ ⵜⵎⴰⵣⵉⵔⵜ. ⵀⴰⵜ ⵔⵉⵖ ⵉⵍⵙ ⴰⵣⴷⴷⴰⴳ ⴰⵇⵓⵕⴰⵕ ⵉⵙⴽⴰⵏ ⵖⵉⴼ ⵉⵙⵍⵍⵉⵎⵏ ⵉⵎⴰⵣⵉⵖⵏ. ⵀⴰⵜ ⵔⵉⵖ ⵉⵖⵕⵎ ⵏⵏⴰ ⵓⵔ ⵉⵜⵜⴻⴽⴽⴰ ⵓⵣⵡⵓ ⵜⵉⵛⴻⵏⴱⴰ ⵏⵏⴻⵙ ⴰⵔⴷ ⵉⵔⴷⵍ ⴷⵉⵖ.
ⵜⴰⵏⵎⵎⵉⵔⵜ ⵏⵏⵓⵏ/ⵏⵏⴻⵎⵜ.
ⴰⵖⴰⵣⴰⴼ ⵎⵓⵃⵎⵎⴰⴷ ⴳ ⵜⴰⴳⵔⴻⵙⵜ ⵏ 2965 /2015.