ⵣⵉ ⴽⵓⴷ ⵉⵇⵇⴻⵏ ⵓⵎⵙⵙⵓⴷⵙ ⵏⴻⵖ ⵓⵙⴷⵓⵙ ⵉⵏⵓ ⵜⵉⴼⴻⵍⵡⵉⵏ ⵏⵏⴻⵙ ⴷⴰⵜⵉ ⴰⵢⴷ ⵓⵛⵉⵢⵖ ⵙ ⵓⵛⵍⴰⵛ. ⴰⵔ ⵉⵙ ⵜⵜⴻⵎⵃⵓⴼⵖ ⴰⵍⵍⴻⵢ ⵜ ⴳⴳⴰⵎⴰⵖ. ⵓⵔ ⵉⵔⵉ ⴰⴷ ⵉⵏⵏⴰⵕⵥⵎ.ⵢⵓⴹⵏ ⵓⵙⵎⵓⵏ ⵏ ⵜⵡⵓⵔⵉ. ⵄⵏⵉⵖ ⵉⵃⵔⵇ ⵉⴷⴷⴻⵖ ⵙⵙⴻⵡⵃⵍⵖ ⵜ ⴰⵍⵍⴻⵢ ⵉⵏⵏⴻⵄⵛⵓⵛⵎ. ⵓⵡⵉⵖ ⵜ ⵙ ⵉⵏⴻⵣⴼⴰⴼⴰⵖⵏ, ⵓⵔ ⴰⵙ ⵓⴼⵉⵏ ⴰⵙⴰⴼⴰⵔ. ⵉⵏⵏⴰ ⵢⵉ ⵢⴰⵏ ⴷⵉⴳⵙⵏ : «ⵢⴰⵥ ⴰⴷⵉ ⵉⵙⵃⵓⵢⴹ» . ⴰⵔ ⵉⵙ ⵉⵜⵜⴻⵎⵅⴻⵕⴼⴰⴼ ⴰⵍⵍⴻⵢ ⵢⵓⵏⴼ ⴰⵙⴽⵙⵍ ⵏⵏⴻⵙ. ⵙⵡⴰⵏⴼⴰⵖ ⵉⴷⴷⴻⵖ ⵖⴰⵍⵖ ⵉⵙ ⵉⵙⴻⵔⵙ ⴰⴹⴰⴹ ⵏⵏⴻⵙ ⵖⵉⴼ ⵓⵜⴻⵔⵙ ⵏⵏⴻⵙ.ⵉⵜⵜⴻⵔ ⵉ ⴰⴷ ⵥⴰⵕⵙ ⵓⵖⵓⵍⵖ ⴼⴼⵉⵔ ⵢⴰⵏ ⵓⴽⵓⴷ. ⵉⵍⵍⵉⵖ ⵡⵔⵔⵉⵖ ⴷⴰⵔⵙ ⵓⴼⵉⵖ ⵜⵉⵏ ⵉⵜⵜⴻⵎⵔⴰ ⴰⵙ. ⵉⵏⵏⴰ ⵢⵉ : «ⴰⵜⴰⵡⵉⵍ ⵏⵏⴻⵙ ⴰⵇⵓⵕⴰⵕ ⵉⵊⵍⴰ» (Disque dur perdu). ⵏⵏⵉⵖ ⴰⵙ :«ⵡⴰⵇⵉⵍⴰ ⵉⵎⵜⵏ (Mort)». ⵓⵙⵉⵖ ⵜ ⵜⴳⴻⵎⵎⵉ, ⴷⴷⴻⵍⵖ ⵜ ⵙ ⵢⴰⵏ ⵓⵡⵍⴽ ⴰⵀⴰ ⵙⵙⵉⵜⵎⵖ ⵜ. ⴼⵓⵖⵍⵖ , ⵏⵏⵓⵖⵊⴼⵖ ⵉⴷⴷⴻⵖ ⵉⴷⴷⴰ ⵓⵙⵎⵓⵏ ⵏ ⵜⵡⵓⵔⵉ ⴰⵀⴰ ⵢⵓⴷⵊⴰ ⵢⵉ ⴰⵔ ⵛⵕⵓⴱⴱⵓⵛⵖ ⴳ ⵓⵛⵍⴰⵛ ⴰⵎⵎ ⵓⵡⵙⵙⴰⵔ ⵓⵔ ⵢⴰⴷ ⵉⵣⵎⵉⵔⵏ ⵉ ⵜⵡⵓⵔⵉ ⵏⵏⴰ ⵉⵎⵢⴰⵔ ⴰⵀⴰ ⴰⵔ ⵉⵜⵜⴻⵇⵇⴻⵍ ⵙ ⵓⵎⵜⴰⵏ. ⵉⴳⴳⴰⴷⵊ ⵓⵙⵎⵓⵏ ⵏⵏⴰ ⴽⴽⵉⵖ ⴰⵔ ⵛⴻⵍⵍⴰⵖ, ⴰⵔ ⵏⴻⵙⵙⴰⵖ ⴷⴰⵜ ⴰⵙ ⴼⴰⵔ ⴰⴷ ⵙⵙⵉⴳⴳⵯⵖ ⴰⵎⴰⴹⴰⵍ, ⵜⴰⴼ ⴰⴷ ⵓⵔⵓⵖ ⴰⵢⵏⵏⴰ ⵎⵉ ⴷⴰ ⵜⵜⵉⵖⵉⵍⵖ ⵉⵙ ⴰⵔ ⵉⵙⵙⴻⵏⵜⴰⵎ ⵜⴰⵏⵜⵜⵉⵜ ⵉⵏⵓ ⵜⴰⵎⴰⵣⵉⵖⵜ. ⴽⴽⴰⵏ ⵎⴻⵏⵏⴰⵡ ⵏ ⵡⵓⵙⵙⴰⵏ ⵙ ⵜⵡⴻⵏⴳⵉⵎⵜ ⵢⵓⵔⴰⵏ. ⴽⴽⵉⵖ ⵜⵉⵏ ⴰⵔ ⵜⵜⴻⵎⵎⴻⵃⵣⵡⴰⵢⵖ ⴷ ⵓⴽⵓⴷ ⴰⴼⴰⴷ ⴰⴷ ⴰⵎⵓⵖ ⴳ ⵜⵉⵙⴽⵉ ⵏ ⵉⵍⵙ ⴰⵎⴰⵣⵉⵖ ⴰⵏⴻⵎⵜⵓⵜⴰ ⴷ ⵓⵜⵔⴰⵔ ⴰⵎⵎ ⵉⵙ ⴷⴰ ⵜⵜⴻⴳⵯⴷⵖ ⴰⴷ ⴳⵣⴻⵖ ⴰⵛⴰⵍ ⵓⵔ ⵜⴰ ⵙⵎⵉⴷⵖ ⵜⵉⵙⴽⵉ. ⴽⴽⵉⵖ ⵜⵉⵏ ⴰⵔ ⵜⵜⴻⵎⵎⴻⵡⴰⵜⵖ ⴷ ⵓⵛⴻⵏⴳⵓ ⵉⴳⴰⵏ ⴰⵡⴷⴷⵉⵏ (Fantôme) ⵏⵏⴰ ⵉⴽⴽⴰ ⴰⵔⵉ ⵉⴽⴽⴰⵜ ⵙ ⵉⴹⴻⵎⵙⴰⵏ ⴷ ⵓⵙⵓⵍⴽⵓ (Mépris) ⴷ ⵓⵙⵏⵓⴳⴳⴻⵔ (Injure), ⴰⵀⴰ ⴰⵔ ⵜⵜⵉⵖⵉⵍⵖ ⵉⵙ ⴰⵔ ⵜⵜⴻⵔⴰⵔⴰⵖ ⵜⵉⵜⵉ ⵏⵏⴻⵙ. ⵉⴷⵔⵓⵙ ⴰⴷ ⵙⵡⵓⵏⴼⵓⵖ ⴰⵍⵍⴻⵢ ⵙⵓⴼⵔⵔⴰⵏ (Prendre comme vice) ⴰⵢⵜ ⵜⴻⵖⵢⴰⵎⵜ (Famille) ⵖⵉⴼⵉ ⴰⵛⴻⵏⴹⵕⴼ (Le fait d'épuiser) ⵏ ⵓⴷⴰⵡⵉⵙ (La santé) ⵉⵏⵓ. ⵎⴰⵛⴰ ⵏⴻⵛ ⴰⵔ ⵜⵜⴰⵛⵉⵖ (Sentir) ⵙ ⵓⵙⵡⵓⵏⴼⵓ ⴰⵙⴰⴳ ⵙⵎⴻⵔⵔⴻⵜⵖ ⵉⵖⴼ ⵉⵏⵓ ⴱⴰⵛ ⴰⴷ ⵖⵏⵓⵖ ⵉⵜⵙⵏ ⵉⵡⴰⵍⵉⵡⵏ ⵏⵏⴰ ⵉⵔⴰ ⵓⵣⵎⵣ ⴰⵏⴻⵎⵜⵓⵜⴰ. ⵉⴱⴷⴷⴰ ⵓⵙⵎⵓⵏ ⵉⴷⴷⴻⵖ ⵙⴻⵏⵏⴻⵎⵔⵓⵔⵉⵖ (Epuiser) ⵜ ⵙ ⵓⵙⴻⵎⵔⵙ. ⵉⵛⵄⴼ ⵏⴻⵜⵜⴰ ⴷⴷⴰ ⵉⴳⴰⵏ ⵓⴷⴷⵉⵙ ⵏ ⵉⵔⵙⴰⵏ (Métaux) ⵓⵔ ⵛⵄⵉⴼⵖ ⵏⴻⵛ ⵉⴳⴰⵏ ⴰⴳⵓⴷⵢ ⵏ ⵓⴽⵙⵓⵎ ⴷ ⵉⵖⵚⵚ ! ⵓⵔ ⵙⵙⵉⵍⵉⵢⵖ ⵜⴰⵖⵓⵏⴼⵉⵜⵜ ⴰⵍⵍⴻⵢ ⵓⴼⵉⵖ ⵢⴰⵏ ⵓⵙⴷⵓⵙ ⴰⵎⵎ ⵏⴻⵜⵜⴰ ⵎⴰⵛⴰ ⵢⵓⴳⵔ ⵜ ⵖ ⵓⵏⴻⵛⵜ ⵏ ⵜⵉⵃⵙⵉ. ⵓⵙⵉⵖ ⴷⵉⵖ ⴰⵎⵔⵉⴳ ⵉⵏⵓ ⴰⴷ ⴷⵉⵖ ⵎⵎⴻⵡⴰⵜⵖ ⵎⴰⵛⴰ ⵓⵔ ⵥⵕⵉⵖ ⴰⵎⵢⴰ ⴰⵍⵍⴻⵢ ⵉⴹⵎⵎⴻⵙ ⵉ ⵓⵜⵎⴰⵣⵉⵔⵜ ⵉⵙⴰⵡⴰⵍⵏ ⵙ ⵜⵎⴰⵣⵉⵖⵜ ⵉⵍⴰⵏ ⴰⵏⵍⵍⵉ ⵏ ⵉⵙⵍⵍⵉ, ⵓⵔ ⵉⵔⵉⵏ ⴰⴷ ⵉⵕⵥⵎ ⵉ ⵉⵎⵊⵊⴰⵏ ⵏⵏⴻⵙ ⵉ ⵎⴰⵢⴷ ⵉⵜⵜⵉⵏⵉ ⵢⴰⵏ ⵓⵡⵟⵟⵓⴼ, ⵉⴷⴷⴻⵖ ⴷⴰ ⵉⵜⵜⵉⵖⵉⵍ ⵉⵙ ⵉⴳⴰ ⴰⵏⴻⵛⵜ ⵏ ⵉⵍⵡ (Eléphant) ⴰⵀⴰ ⵓⵔ ⴰⵙ ⴷ ⵢⵓⵙⵉ ⴰⴷ ⵉⵙⵙⴻⴼⵍⵉⴷ ⵉ ⵎⴰⵢⴷ ⵉⵜⵜⵉⵏⵉ ⵓⵡⵟⵟⵓⴼ ⵎⴻⵇⵇⴰⵕ ⵉⴽⴽⴰ ⵜⵉⵏ ⵉⵏⵏⴰ ⵉ ⵄⴱⵉⵥⵥⵓ ⵏⴻⵖ ⴱⵓⵣⴰⵢⵣⵡⴰⵏ ⵏⴻⵖ ⵡⵉⵣⵓ ⵏⴻⵖ ⵉⵡⵉⵊ (Cigale)1 ⵜⴰⵣⴻⵎⵏⴰ (Sagesse) ⵏⵏⴰ ⵓⵔ ⵙⴰⵔ ⵜ ⵉⵜⵜⵓ ⴰⵍⵉⴹ. ⵜⴰⵡⵓⵔⵉ ⵏ ⵓⵡⵟⵟⵓⴼ ⴰⵢⴷ ⵉⵔⴰ ⵓⵣⵎⵣ ⵓⵔ ⵉⴷ ⴰⵙⴼⵓⴳⵍⵓ . ⵜⴰⵡⵓⵔⵉ ⵏ ⵓⵡⵟⵟⵓⴼ ⴰⵢⴷ ⵉⴳⴰⵏ ⵜⴰⵣⴻⵎⵏⴰ ⵉⵙⵙⵓⴷⴷⴰⵏ ⴰⴱⵔⵉⴷ ⴷⴰⵜ ⴽⵓ ⴰⵎⴰⵣⵉⵖ ⴷ ⵜⵎⴰⵣⵉⵖⵜ ⵉⵖ ⵏⵔⴰ ⴰⴷ ⵏⴰⵜⵎ ⵉ ⵜⴻⴳⵔⵙⵜ ⴷ ⵓⵎⵜⴰⵏ. ⵜⴰⵡⵓⵔⵉ ⵏ ⵓⵡⵟⵟⵓⴼ ⵉⵍⵍⴰⵏ ⵖⵉⴼ ⵡⵓⴷⵎ ⵏ ⵜⵡⵉⵣⴰ ⴰⵢⴷ ⵉⵔⴰ ⵓⵣⵎⵣ ⴱⴰⵔ ⵉⴷ ⵓⵔ ⵏⴻⵜⵜⴰⵜⵎ ⵉ ⵓⵛⵍⴰⵛ. ⵜⴰⵡⵓⵔⵉ ⵏ ⵓⵡⵟⵟⵓⴼ ⴰⵢⴷ ⵉⵔⴰ ⵓⵣⵎⵣ ⵏⵏⴻⵖ ⵓⵔ ⵉⴷ ⴰⵙⴼⵓⴳⵍⵓ ⵏ ⵄⴱⵉⵥⵥⵓ. ⵀⴰⵜ ⵓⵔ ⵔⵉⵖ ⴰⴷ ⵉⵏⵉⵖ ⵉⵙ ⵓⵔ ⵉⵍⵉ ⵓⵥⴰⵡⴰⵏ ⵜⵉⵣⵣⵓⵍⵢⴰ (Valeur) ⵏⵏⴻⵙ ⴳ ⵜⴷⴻⵍⵙⴰ ⴷ ⵜⵥⵓⵕⵉ ⵎⴰⵛⴰ ⴰⴷ ⵓⵔ ⵢⵉⵍⵉ ⵓⵙⴼⴼⵓⴽⵜⵢ (Exagération) ⴰⵛⴽⵓ ⵏⵙⵓⵍ ⴳ ⵓⵏⵜⴰ (Début) ⵏ ⵓⴱⵔⵉⴷ ⵉⵖⵣⵣⵉⴼⵏ, ⵏⵙⵓⵍ ⵓⵔ ⵜⴰ ⴷⴰ ⵏⴻⵜⵜⴻⵎⵛⵓⵛⵓⴷ ⵙ ⵜⵉⴷⴷⵓⵖⵢⴰ (Vitesse) ⵏⵏⴰ ⴰⵙ ⴷⴰ ⵜⵜⴰⵣⵣⴻⵍⵏ ⵡⵉ-ⵢⵢⴰⴹ. ⵎⴻⵛⵜⴰ ⵏ ⵜⵡⵓⵔⵉ ⴰⵢⴷⴰⵖ ⵉⵟⴼⴰⵕⵏ. ⵜⴰⵎⴻⵣⵡⴰⵔⵓⵜ ⴰⴷ ⵏⴻⵎⵢⴰⵡⴰⵙ ⴰⴳⴳⵯⴰ ⴰⵎⵎ ⵜⵉⵡⴻⵟⴼⵉⵏ, ⵜⵉⵙ-ⵙⵏⴰⵜ ⴰⴷ ⵏⴻⵎⵢⴰⵡⴰⴹ ⴳⵔⴰⵖ ⵣⵓⵏⴷ ⵏⵉⵜⴻⵏⵜⵉ, ⵜⵉⵙ-ⵛⵕⴰⵟ ⴰⴷ ⵏⴻⵎⵎⴻⵙⵙⴻⴼⵍⵉⴷ ⴳⵔⴰⵖ ⴰⵀⴰ ⵏⵙⴻⵎⵔⴰⵔⴰ ⵉⵡⴰⵍⵉⵡⵏ ⴱⴰⵔ ⵉⴷ ⵓⵔ ⵏⴻⵜⵜⴰⵙⵢ ⴰⵢ-ⵏⵏⴰ ⵉⵜⵜⴻⵏⵢⵓⴷⴷⵓⵏ ⵙ ⵓⵙⵔⵉⵔⵢ ⴳⴻⵔ ⵜⵙⵓⵜⵉⵡⵉⵏ ⵏ ⵉⵎⴰⵍ ⴷ ⵓⴱⵔⵉⵎⴰⵍ. ⵜⵉⵙⴽⵉ ⵏ ⵉⵍⵙ ⵏⵏⴻⵖ ⵜⴳⴰ ⵡⴰⵏ ⵜⵉⵙⴽⵉ ⵏ ⵜⴳⴻⵎⵎⵉ. ⵙ ⵉⵙⵍⵍⵉ ⵏ ⵜⵎⴰⵣⵉⵔⵜ ⴰⵙ ⵏⴻⵏⵏⴰ ⴰⴷ ⵜ ⵏⴻⵙⴽⵓ. ⵜⵉⴳⵎⵎⵉ ⵉⵃⴱⵉⴱⴹⵏ ⴰⵢ-ⵏⵏⴰ ⵉⴽⴽⴰⵏ ⵉⴳⴰ ⵓⵏⵙⵉⵢ , ⵉⵏⵏⴰⵕⵥⵎⵏ ⵖⵉⴼ ⵉⵖⴻⵣⵡⵔ ⵙ ⵎⴰ ⵙ ⵉⵍⵍⴰ, ⵉⵙⴽⵓⵜⵜⴻⵏ ⵖⵉⴼ ⵡⴰⵍⵍⴰⵍⵏ ⵓⵢⵣⵉⵍⵏ (Subjectifs) ⴰⵢⴷ ⵉⵔⴰ ⵓⵣⵎⵣ ⵏⵏⴰ ⵉⵔⴰⵏ ⴰⴷ ⵏⴰⵙⵢ ⵜⴰⵣⴻⵎⵏⴰ ⵏ ⵓⵡⵟⵟⵓⴼ ⵓⵔ ⵉⵜⵜⴻⵕⴹⴰⵍⵏ ⵣⵉ ⴰⵡⴷ ⵢⴰⵏ , ⵓⵔ ⵉⵕⵟⵟⴻⵍⵏ ⵉ ⴰⵡⴷ ⵢⴰⵏ, ⵉⵙⵏⵉⴽⴽⴻⵍⵏ ⵖⵉⴼ ⵓⵣⴻⴷⵎⵔ ⵏⵏⴻⵙ.
ⵉⵜⵢⴰⵏ :
1) ⵜⴰⵙⵖⵓⵏⵜ ⵏ ⵡⴰⵎⵓⴷ (ⵜⵓⵥⵕⵉⴳⵜ ⵏ ⵜⵎⴻⵙⵎⵓⵏⵜ ⵜⴰⵎⴻⵖⵕⴰⴱⵉⵢⵜ ⵏ ⵓⵙⵉⴳⴳⵍ ⴷ ⵓⵎⵙⴻⵏⴼⵍ ⴰⴷⴻⵍⵙⴰⵏ) 3/4
ⴰⵔⴰⵣⴰⴼ ⵎⵓⵃⵎⵎⴰⴷ ⴰⵡⵉⵍⴰⵏ ⵏ 2965/2015