Amuddu uγlil
Iggaĝ yan itri Amaziγ γ initid nna issen umaḍal s ufrurt n ujeγdid ilan talγa n tbejḍut amm is ur izmir ul nnes ad ikmr taqisust ddeγ g sxuxn izeglaln ikkan ar ttubelbuḍn s umussu n tudert, zund is iznuccm ad imun d ucabar n imttinn. Ixsey yan itri akeswawat yusiyn asaṛiḍ Amaziγ d ufegnan x twengimt nnes d wul nnes. S tmija d tegzut nnes izuzzer mennaw n wazann i imezdaγ n iγzwr . Irekwl s timmuzγa d tiffugna.Iḥrref s therḍant (guitare) d tabja (flûte) , ar ittenziz, ar ittazn tisawayin immenzazn d tiwaliwin ilan tawuri, ar ittegafay tiskkilya n uẓawan d ucrreb s immal (de plus en plus), imnala d izuccln (les contraintes) s unḍrren (imiq s imiq), iman d usawḍ (le microphone), ar itteγnunnus, ar itteγerwad (lever sa voix tout en chantant) s ucffalu n tẓuṛi, ar ittagm zeg uγarus (profond puits) n taysi Tamaziγt.Izruzzeγ (s’ouvrir) γif tẓuṛi tamaḍlant, ar ittirir ay-nna issefrun aḥugz(la nostalgie) nnes s tmazirt, a-nna iskubbern s tinttit (l’identité) n Tmaziγt. Isermcca (rendre bon) aẓawan nnes alley ila azizzy (écho) g umaḍal. Ifka i tẓuṛi nnes yat tcamnt (le cachet) inttan s twennaṭ nnes tadelsant.
Ar ittirir i ayt inugga (les consciences) iddern γif inna nnes d akkᵚ may d igan inna d taytct (femme) . Iney amzzag (selle de haute qualité) n wuṛγ , ar issektutur (souder) iγerfan n iγezwr γif tiffugna . Ar ittagm zeg umedγus (source d’eau chaude) n timmuzγa amm is ira ad yini i ufgan : «Nga yan s mennawn iniln, s icencaln (modèles) unmidn (variés) ». Ila timiwar n unaẓuṛ yusiyn s iẓlan d tawalt cigan n tebratin.
Iga aḥttu n unaẓuṛ nna iγẓan . Amuddu nnes izmq imalgn d igurad d imnumcn nnes. Immudda g yan ukud nna gis isrunda uhlaḍ adusan cigan n iwdan alley zennenn icrrabn mar ad ttun ay-nna ten yaγn, ad ttun aḍu n tmettant issehṭiṭṭiyn . Issef timat nnes tamggarut . Izrey-d ffiras iγnnaĝatn ur itteyattun, tucribin tuẓnifin issermacn, isserhacn, isseftikkisn timitar n timmuzγa d tiffugna . Yuklal ad itteyara uγrik nnes nnig n uzalis s wuṛγ. Yuklal ad as ittusku yan umnnayu tama n isemḍl nnes iddeγ iga amm itsn inaẓuṛn umaḍal abelhiz (légendaire). Inḍer «Idir» (mourir subitement) g yan ukud nna g ur ttafan iwdan ad munn d ubeḥlus nnes iddeγ ittuskr usttum . Mer ufin wulaw afriwn ad ayllin mar ad munn d tzujra (le cercueil ) nnes s uzdduγ nnes amggaru . Mec ibḍa «Idir»d tduyt hatin ad iqqim idder g icba n iwdan iddeγ tga tallara nnes acenyal amaziγ. Ad t ifced umeγni aha issidf t amaglal nnes anmmazzu. Ad ifek i imalgn d igurad d imnumcn nnes azegẓn .
Arhazaf Mohammed/Aγazaf Muḥmmad
04/05/2020/23/04/2970